Ацы бонты цæуы Псковы. Концерт «Ирон зарæг. Традицитæ æмæ нырыккондзинад» ацæудзæн абон
Мариинаг театры цæгатирыстойнаг филиалы национ зарæджы нæлгоймæгты хор архайы, Мусоргскийы æмæ Римский-Корсаковы номыл уырыссаг музыкæйы 52-æм фестивалы. Ацы бонты цæуы Псковы. Концерт «Ирон зарæг. Традицитæ æмæ нырыккондзинад» ацæудзæн абон. Коллектив акæндзæн Хетæгкаты Къостайы æмдзæвгæтыл фыст зарджытæ. Хоры репертуары ис алы жанрты национ зарæджы фольклорон уацмыстæ: историон, хъæбатырон, мифологон, фæллойадон æмæ кафæн композицитæ. Ацы аз фестивалы программæйы хицæндзинад у тематикон. «Уæрæсейы адæмты иудзинад». Ирдæй æвдисы нæ бæстæйы культурон бирæвæрсыгдзинад. Аивадуарзджытæн фадат ис алы регионты музыкалон аивадимæ базонгæ уæвынæн. Уыимæ уырыссаг традицитæ национ миниуджытимæ куыд баиу вæййынц, уый фенынæн.
