Се хсæн ис, ныридæгæн кæй раиртæстой, æмæ регионалон регистрмæ кæй бахастой, ахæмтæ. 2024-æм азæй фæстæмæ муниципалон районы исбоны историон объекттæ хъахъхъæныны тыххæй мадзæлттæ фидаргонд цæуынц барадон акттæй
Мæздæджы районы администраци æмæ æхсæнадон организациты актив æнтыстджынæй архайынц культурон хæзнаты объекттæ хъахъхъæныныл. Се хсæн ис, ныридæгæн кæй раиртæстой, æмæ регионалон регистрмæ кæй бахастой, ахæмтæ. 2024-æм азæй фæстæмæ муниципалон районы исбоны историон объекттæ хъахъхъæныны тыххæй мадзæлттæ фидаргонд цæуынц барадон акттæй. Бакуыстой программæйыл. Иртасæн куыстытæн та дихгонд цæуынц фæрæзтæ. Ивгъуыд аз конд æрцыд Мæздæджы астæу æппæтæй рæсугъддæр бæстыхайы историон-архитектурон экспертизæ. Уый у Кировы уынджы къупец Ганжумовы хæдзар. Регионалон регистрмæ специалисттæ бахастой раздæры æфсæддон госпиталы бæстыхай. Бирæ рæстæг дзы уыд сывæллæтты поликлиникæ. Кинотеатр «Палас»-ы бæстыхай дæр æнхъæлмæ кæсы иртасæн куыстмæ. Бынæттон цæрджытæн зындгонд у куыд ногдзауты Хæдзар. æхсæнадон организаци «Зæронд Мæздæджы» хъарутæй культурон бынты объектты статус лæвæрд æрцыд 8 бæстыхайæн. Се ппæт дæр сты горæты историон центры.
