Театр схорзæхджын кодтой, тынг бирæ постановкæтæ кæй сæвæрдта, уый тыххæй, – хъусын кæны агентад ТАСС
Стыр театры генералон директор Гергиты Валерийæн кадджын уавæры радтой преми «BraVo»-йы статуэткæ. Театр схорзæхджын кодтой, тынг бирæ постановкæтæ кæй сæвæрдта, уый тыххæй, – хъусын кæны агентад ТАСС. Хæрзиуæг исгæйæ, Гергиты Валерий загъта сæ сæйраг нысанты тыххæй. Фыццаджыдæр – æрыгон курдиæтты иртасын. «Фæнды нæ, цæмæй сценæмæ арæхдæр цæуой æрыгон фæлтæры минæвæрттæ. Стыр театры разамонæг уæвгæйæ, тынг цин кæнын, ахæм æргом нæм кæй здахынц, уый тыххæй», – загъта маэстро. Гергиты Валерийæн хæрзиуæг радта премийы бындурæвæрæг, продюсер Владимир Киселев. Зæгъдзыстæм ма уый дæр, æмæ 8-æм Æппæтадæмон профессионалон музыкалон преми «Bravo»-йы лауреаттæн кад кæндзысты абон, 14-æм апрелы. Стыр театр фæуæлахиз номинаци «Афæдзы концертон театралон фæз»-ы. Гергиты Валерийæн статуэткæ радтой рагагъоммæ, уымæн æмæ йын ацы бон церемонийы уæвыны фадат нæ уыдзæн.
