Скъоладзаутæ сæхи фæлварынц цалдæр дисциплинæйы: физикæйæ, химийæ, биологийæ, математикæйæ æмæ информатикæйæ
Дзæуджыхъæуы цæуы Цæгат Кавказы интеллектуалон хъæзтыты 5-æм олимпиадæ «Кредо-знание». Скъоладзаутæ сæхи фæлварынц цалдæр дисциплинæйы: физикæйæ, химийæ, биологийæ, математикæйæ æмæ информатикæйæ. Ацы аз комкоммæ туры архайынц 35 адæймаджы Цæгат Кавказы республикæтæй, Хуссар Ирыстонæй æмæ Абхазæй. Алы регионæй иу командæ 5 адæймагæй. Семæ сты ахуыргæнджытæ. Уыдон та сты командæты капитантæ. Сæйраг приз райсдзæн, æппæт предметтæй фылдæр баллтæ чи æрæмбырд кæна, уый. Уыимæ хицæн аргъ кæндзысты алы номинацимæ гæсгæ. Олимпиадæ саразыныл бакуыста ахуырадæн æххуысы Фонд «Кредо-знание». 31 аз фæд-фæдыл аразы конкурс «Афæдзы рауагъдон», 2022-æм азæй фæстæмæ та проект рацыд ног æмвзадмæ. Баиу кодта Цæгат Кавказы федералон зылды регионтæ æмæ Хуссар Ирыстон. Уæд конкурс райдыдтой олимпиадæйы хуызы аразын. Ерыстæ цæуынц дыууæ боны, сæ хатдзæгтæм гæсгæ сбæрæг уыдызсты æрыгон интеллектуалты нæмттæ.
