Постановкæйы режиссер у Сабанты Тамерлан
Францусаг драматург Роберт Томайы пьесæйы сюжет бынат ссардта Тæбæхсæуты Балойы номыл Ирон академион театры сценæйы. Постановкæйы режиссер у Сабанты Тамерлан. Аивадуарзджыты размæ рахаста алы рæстæджыты актуалон фарстатæ. Сæйраг хъайтартæ сты 8 сылгоймаджы. Уæвгæ ацы спектакль фыццаг хатт æвæрд не рцыд. Театрдзаутæ ма йæ федтой 20 азы размæ дæр. Цæмæй ссардта фæндаг ацы хатт, уый тыххæй радзурдзæн Чехойты Фатимæ.
Духиты хæрздæф, аив къабатæ æмæ хъысмæт ивæг ныхæстæ – сценæйы спектакль «Ах, ацы сылгоймæгтæ!»
Францусаг драматург Роберт Томайы пьесæ – иронийæ æххæст детектив. Æвдисы сылгоймæгты æппæрццæг митæ æмæ сæ хорз миниуджытæ. Сюжеты сæйраг темæ – æвирхъау марды цауты иртæст. Уым рабæрæг вæййынц 8 сæйраг хъайтары удыхъæды хицæндзинæдтæ.
Постановкæйы режиссер у Сæбанты Тамерлан. Уый хъайтарты *хсæнæй хицæн кæны æппæты кæстæр Катрины, кæцы иннæттæй раздæр æрлæууыд раст фæндагыл.
Цæгат Ирыстоны паддзахадон академион театры сценæйы цæстмæхъусы артдзæст фæци миты бын, æмæ хуымæтæджы нæ.
Алы рæстæджыты ахсджиаг цы темæтæ сты, уыдоныл дзурынц худгæйæ, фæлæ мастимæ, фæнысан кодта режиссер.
Постановкæйы æддаг бакаст – Басаты Оледжы куыст. Театры аивадон разамонæг Уалыты Гивийы ныхæстæм гæсгæ, рагæй бæллыдысты Цæгат Ирыстоны æмæ Уæрæсейы сгуыхт кусæгимæ спектакльтæ сæвæрын. Басаты Олег зæрдиагæй æххæст кодта рохгонд нывгæнæг-æвæрæджы хæстæ.
Спектакль «Ах, ацы сылгоймæгтæ!» театры сценæйы раздæр дæр уыд æвæрд , æмæ йын аивадуарзджытæ стыр аргъ кодтой. Уæдæй кæд 20 азы рацыд, уæддæр хаст æрцыд уынаффæ æнæмæлгæ пьесæйыл ногæй бакусын. Уалыты Гивийы ныхæстæм гæсгæ, уацмыс постановкæйæн зын уыд, бахъуыд егъау куыст бакæнын.
Ацы изæр премьерæ театрдзаутæн балæвар кодта, бирæ азты сæ зæрдыл кæй дардзысты, ахæм æнкъарæнтæ.
Ацы аз театр цымыдисаг премьерæтæй республикæйы цæрджыты æмæ уазджыты иу æмæ дыууæ хатты дисы нæ бафтаудзæн . Спектакль «Ах, ацы сылгоймæгтæ!» – у уыцы фæндаджы стыр райдиан.
