филиал вгтрк государственная телерадиовещательная компания “Алания”

Дзæуджыхъæуы арæзт æрцыд цымыдисаг ахуырадон проект. Скъоладзаутæн æмæ сæ ныййарджытæн дзурынц математикæйы тыххæй. Бæлвырддæр та, математикæ куыд æххуыс кæны хи хъудытæй архайынæн, æмæ рекламæйы фæлывд митæй хъыгдард ма баййафынæн. Циклы фыццаг фембæлд «Математика – твой антивирус» арæзт æрцыд Национ наукон библиотекæйы. Йæ саразыныл бакуыста ахуырадон центр «Альбатрос» горæт Дубныйы ядерон иртæстыты иугонд институты æххуысæй. Интерактивон лекцимæ се ппæт дæр байхъуыстой цымыдисæй. Уазджытæ кодтой логикон фæлтæрæнтæ æмæ архайдтой хъæзтыты. Проект арæзт у, 10 азæй уæлæмæ кæуыл цæуы, ахæм сывæллæттæн æмæ сæ ныййарджытæн.