Горæт Владимиры драмæйы академион театры сæ постановкæтæ равдисдзысты 24 коллективы Мæскуыйæ, Санкт-Петербургæй, Бишкекæй, Элистайæ, Минскæй, Петрозаводскæй, Йошкар-Олайæ, Челябинскæй, Ульяновскæй, Вологдайæ, Махачкалæйæ æмæ æндæр горæттæй
Евгений Вахтанговы номыл Академион уырыссаг театр архайы æппæтадæмон фестиваль «Театр.Территория единения»-йы. Горæт Владимиры драмæйы академион театры сæ постановкæтæ равдисдзысты 24 коллективы Мæскуыйæ, Санкт-Петербургæй, Бишкекæй, Элистайæ, Минскæй, Петрозаводскæй, Йошкар-Олайæ, Челябинскæй, Ульяновскæй, Вологдайæ, Махачкалæйæ æмæ æндæр горæттæй. Фестивалы программæйы сты камерон æмæ моноспектакльтæ. Дзæуджыхъæуккаг Уырыссаг театр равдисдзæн спектакль «Шпинат с жареной картошкой». æрæджы йæ вдыстой уырыссаг театрты æппæтадæмон фестивалы Санкт-Петербурджы. Ацы фестиваль та баст у Уæрæсейы адæмты иудзинады азимæ æмæ нæ бæстæйы театралон архайджыты цæдисы 150 азы бонимæ. Сфæлдыстадон форум фæуыдзæн 25-æм майы.
