Фæлварæнтæ цæуынц æппæт дæсныйæдтæй. æвдисæн фæлварæн дæттынц Цæгат Кавказы аграрон-технологон колледжы дæр.
Ахуыры азы кæрон — ахсджиаг рæстæг студенттæн. Ныртæккæ дæттынц æвдисæн фæлварæнтæ. Студенттæ æвдисынц сæ зонындзинæдтæ. Фæлварæнтæ цæуынц æппæт дæсныйæдтæй. æвдисæн фæлварæн дæттынц Цæгат Кавказы аграрон-технологон колледжы дæр. Бæстондæр радзуырдзæн Чехойты Фатимæ.
Машинæ скусын кæнын, йæ саст хæйттæ йын саразын. Цæгат Кавказы аграрон-технологон колледжы студенттæй «Машинæты цалцæг æмæ лæггæдты» дæсныйад чи равзæрста, уыдон лæвæрдтой æвдисæн фæлварæн. Уый у сæ ахуыры кæронбæттæн. Практикон æгъдауæй æвдисынц, цы зонындзинæдтæ райстой, уый. Ацы къабазы 24 рауагъднæй иу у 17-аздзыд Рамин Джафаров.
Машинæты цалцæг æмæ лæггæдтæ — дæргъвæтин фæлварæнты хай. Цалынмæ Рамин ам йæ зонындзинæдтæ вдисы, уæдмæ йæ фарсмæ цы аудиторитæ ис, уым фидæны элекриктæ æмбырд кæнынц инженерон системæтæ, ландшафты дизайнертæ та аразынц паркты æмæ скверты проекттæ. Студенттæ кусынц, фидæны сæ куысты бынæтты цы ифтонггæрзтæй архайдзысты, ахæмтæй.
Цæгат Ирыстоны ахæм фæлварæнтæн бацæттæ кодтой 131 центр. Фæзуæттæ æххæст сты алцæмæйдæр. Зонындзинæдтæн аргъ кæнынц хæдбар эксперттæ. Ацы аз æвдисæн фæлварæнтæ дæттынц 4 мин студенты 24 дæсныйадæй.
æвдисæн фæлварæнтæ Цæгат Ирыстоны цæуынц æнтыстджытæй. Иутæ архайынц хорз бæрæггæнæнтæ райсын, иннæтæн та у фадат куысты бынæттæ аразджытæн сæ зонындзинæдтæ равдисынæн.
