Сбæлвырд кодтой 18-æм, 29-æм, 50-йæм скъолатæ
Адæмон фронты минæвæрттæ аргъ скодтой, æрæджы цы скъолатæ цалцæггонд æрцыдысты, уыдоны хæрæндæтты куыстæн. Сбæлвырд кодтой 18-æм, 29-æм, 50-йæм скъолатæ. Ахуыргæнæндæтты зынгæ фæуæрæхдæр сты хæрæндæттæ сæхæдæг, æмæ сæ бынæтты бæрц дæр. Ахæм мониторингтæ арæзт фæцæуынц æппын æдзухдæр. Бæлвырддæр радзурдзæн Хъайтмазты Дзерассæ.
Дзæуджыхъæуы 50-æм скъола 90 азмæ бындуронæй фыццаг сцалцæг кодтой. Куыстытæ ам пъланмæ гæсгæ нæ райдыдтой. 2024-æм азы кæрон æрхаудис цары хай. Цалцæджы фæстæ скъола саив, фæзынд ног хъæддзаума æмæ ифтонггæрзтæ, баивтой æппæт коммуникацитæ. Модернизацигонд æрцыд хæрæндон. Адæмон фронты минæвæрттæ сбæлвырд кодтой, ног уавæрты куыд æнтысы æппæт санитарон домæнтæ æмæ алы кары скъоладзаутæн хæрыны фæтк æххæст кæнын.
Адæмон фронты цæгатирыстойнаг хайады минæвæрттæ сбæлвырд кодтой Дзæуджыхъæуы 18-æм скъолайы дæр куыстытæ куыд æххæстгонд æрцыдысты, уый. Ам ахуыр кæны мин сывæллоны онг. Хæрæндоны хæринаг исы æппæт райдиан скъола. Цалцæджы фæстæ фæуæрæхдæр ис, ныр сихоры зонæйы ис 120 бынаты.
Алы скъолайы дæр Адæмон фронты минæвæрттæ лæмбынæг сбæлвырд кодтой сывæллæтты менюйы сконд, хойрæгты хъæрзхъæддзинад, санитарон нормæтæ куыд æххæстгонд цæуынц, стæй хæрæндæттæ куыд ифтонг сты, уый. Куыд иннæ скъолаты, афтæ 29-æмы дæр мониторингы рæстæг аиппдзинæдтæ нæ рабæрæг.
Адæмон фронты мониторингтæ æххæстгонд цæудзысты иннæ скъолаты дæр. æппæт фиппаинæгтæ æмæ фæндонтæ лæвæрд æрцæудзысты профилон структурæтæм.
