Аивадон бæрæгбоны цыппæрæм бон республикæйы цæрджытæн æмæ уазджытæн балæвар кодта ирд музыкалон цау – мюзикл «От Некрасова до Некрасова»
Фестиваль «Вахтангов. путь домой» фæхæццæ кæны кæронмæ. Аивадон бæрæгбоны цыппæрæм бон республикæйы цæрджытæн æмæ уазджытæн балæвар кодта ирд музыкалон цау – мюзикл «От Некрасова до Некрасова». Сæвæрдта йæ Федор Волковы номыл Ярославлы театр. Йæ режиссер у Валерий Кириллов. æппæт зарджытæ сты Некрасовы æмдзæвгæты бындурыл конд. Уырыссаг уды поэзи азæлыд ног хуызы. Уырыссаг фолк-рокы стиль райдыдта Некрасовы музейы. Аивадуарзджыты размæ рахастой поэты ирд æмæ алывæрсыг курдиат. Уыимæ æрлæууыдысты йæ биографийы алы къæпхæныл дæр. Бæлвырддæр та – йе сфæлдыстад алы рæстæджыты куыд ивта, ууыл. Ахæм цымыдисаг хъæппæрис, ома Николай Некрасовы литературон дуне æмæ удварн равдисын фæзынд æнæнхъæлæджы. Федор Волковы номыл театры коллективы бафæндыд поэты зындгонд æмæ æнæзонгæ цаутæ раргом кæнын. Уæвгæ, Волкоовы номыл театр ныридæгæн дæр уыд Цæгат Ирыстоны. Ацы хатт дæр та барухс кодтой ирыстойнаг театрдзуаты зæрдæтæ.
