Куыстытæ куыд цæуынц, уымæ бæстон цæстдард цæуы парти «Иугонд Уæрæсе»-йы рдыгæй
Ацы аз Горæтгæрон районы, партион проектмæ гæсгæ, бындуронæй сцалцæг кæндзысты 6 скъолайы. Куыстытæ куыд цæуынц, уымæ бæстон цæстдард цæуы парти «Иугонд Уæрæсе»-йы рдыгæй. Донгæроны скъолайыл цæуы 51 аз. Уыцы мгъуыдмæ дзы бындурон цалцæг цæуы фыццаг хатт. Баивтой хъармгæнæн системæ, сног кодтой бæстыхæйттæ. Куыстытæ райдыдтой мартъийы, æмæ сæ фæуынмæ нысан кæнынц ног ахуыры азы райдианмæ. Хъайтмазты Дзерассæ радзурдзæн бæстондæр.
Донгæроны скъолайыл цæуы 51 азы. Бындуронæй бæстыхаймæ фыццаг хатт зилынц. Цалцæг ам райдыдта мартъийы, абон куыстытæ кæронмæ фæхæццæ кæнынц.
Баивтой ма хъармгæнæн æмæ электрон тыхы системæтæ, сног кодтой агъуыстытæ, фæтыхджындæр кодтой зынгсирвæзтыты ныхмæ æдасдзинады мадзæлттæ. Ныридæгæн ам кусынц педагогтæ æмæ техникон персонал – аив кæнынц кабинеттæ æмæ цæттæ кæнынц ахуыры азы райдианмæ. Сæйраг куыстытæ фесты.
Цалцæджы фæстæ скъолайы гæнæнтæ зынгæ фæуæрæхдæр уыдзысты. Ам ныридæгæн кусы «Точка роста», уыдзæн фæллойы кабинеттæ, спортивон фæзтæ æмæ ахуыртæн æндæр тыгъдадтæ. Куыстытæ цæуынц парти «Иугонд Уæрæсе»-йы проект «Ног скъола» æххæстгæнгæйæ. Уымæ гæсгæ ахуыргæнæндон райсдзæн ног ифтонггæрзтæ – компьютертæ æмæ интерактивон фæйнæджытæ. Раздæр уыдысты æрмæст 3 кабинеты, ныр та – алы къласы дæр. Куыстытæм æдзух цæст дарынц «Иугонд Уæрæсе»-йы æмæ ахуырады министрады кусæг къордтæ.
Ацы аз Горæтгæрон районы партион проектмæ гæсгæ бындуронæй сцалцæг кæндзысты 6 скъолайы. Донгæроны æппæт куыстытæ фæнд кæнынц ахуыры азы райдианмæ фæуын.
