Ныры онг йæ архайджытæ систы 78 педагогы
Программæ «Хъæуккаг ахуыргæнæг» республикæйы азæй азмæ кæны уæрæхдæр. Ныры онг йæ архайджытæ систы 78 педагогы. Се *хсæн — куыд æрыгон ахуыргæнджытæ, афтæ — стыр фæлтæрддзинад кæмæ ис, ахæмтæ дæр. Программæмæ гæсгæ Николаевскæйы станицæйы æмæ Сунжæйы чи кусы, уыцы зондамонджытимæ фембæлд не сфæлдыстадон къорд. Бæстондæр радзурдзæн Чехойты Фатимæ.
Къудухты Нинойæн скъола дæсныйады арæнтæй рагæй фæуæрæхдæр. Йæ педагогон фæлтæрддзинад у 15 азы. Раздæр куыста Æрыдоны 1-æм скъолайы, афæдзы размæ та сси «Хъæуккаг ахуыргæнæджы» программæйы архайæг æмæ райдыдта кусын Николаевскæйы станицæйы. Ам ахуыр кæны хистæркъласонты. Йæ ныхæстæм гæсгæ, æппæты хуыздæр ахуыргæнæджы куыст зыны хъæуккаг скъолайы: сывæллæтты нымæц у къаддæр, æмæ уый тыххæй аххæссæн ис алкæуылдæр.
Ацы урочы темæ — Иумæйаг паддзахадон фæлварæнмæ цæттæгæгæн куыст. Скъоладзауты раз — хæслæвæрдтæ. Рагацау зонгæ кæнынц фæлварæнты æрмæджытимæ.
Хадаты Рустам Сунжæйы скъолайы кусын райдыдта ацы аз. «Хъæуккаг ахуыргæнæджы» программæйы тыххæй базыдта интернетæй, æркаст конкурсон хæслæвæрдтæм, æмæ сфæнд кодта йæ гæххæттытæ бадæттын. Педагогæй кусы дыккаг аз. Амæй размæ лæвæрдта истори Дзæуджыхъæуы ахуырадон центры. Йæ ныхæстæм гæсгæ, хъæуккаг æмæ горæтаг скъолаты хицæндзинæдтæ уайтагъд банкъардта. Фыццаджыдæр, кæцы *взагæй пайда кæнынц, уый. Бирæ сывæллæттæ хорз дзурынц иронау, уый тыххæй уроктæн сæ фылдæр хай цæуы мадæлон æвзагыл.
Хъæуккаг скъолатæн уый у фадат уыцы иу рæстæг ног специалистты райсынæн æмæ кадртæй æххæст кæныны фарста алыг кæнынæн.
Ахуыргæнджытæ ацыдысты конкурсон æвзæрст. Программæйы архайджыты *хсæн — куыд æрыгон специалисттæ, афтæ стыр фæлтæрддзинад кæмæ ис, ахæм ахуыргæнджытæ дæр. Алы уæлахиздзау дæр райсы фиддон — 1 милуан сомы.
Программæ «Хъæуккаг ахуыргæнæг» республикæйы азæй азмæ уæрæхдæр кæны. Йæ райдианæй ныры онг алы хъæуты скъолаты кусынц 78 ахуыргæнæджы. Цæгат Ирыстоны программæ царды уагъд цæуы национ проект «Фæсивæд æмæ сывæллæттæ» æххæстгæнгæйæ.
