Ног арæзтадæн ныридæгæн цæттæ сты йæ бындур æмæ инженерон хызтæ
Черменыхъæуы дарддæр цæуы ног скъолайы арæзтад. Уыдзæн дзы 200 бынаты. Ахуырдзаутæ уал цæуынц æндæр ахуыргæнæндæттæм. Ног арæзтадæн ныридæгæн цæттæ сты йæ бындур æмæ инженерон хызтæ. Æртæуæладзыгон скъолайы уыдзæн æппæт фадæттæ æмæ уавæртæ, цæмæй ахуырадон процесс цæуа нырыккон домæнтæм гæсгæ. Куыстытæ æххæст кæнынц, национ проект «Фæсивæд æмæ сывæллæтты» федералон проект «Все лучшее детям» æххæст кæнгæйæ. Ног объекты тыххæй радзурдзæн Чехойты Фатимæ.
Цалынмæ боныхъæд фадат дæтты, уæдмæ аразджытæ кусынц æнæрлæугæйæ. Специалисттæ фесты райдайæн къæпхæн: арæзт æрцыдис бæстыхайы бындур, фидар кæнынц фыццаг уæладзыджы конструкцитæ. Черменыхъæуы егъау арæзтадæй 2028-æм азы рауайдзæн нырыккон 3-уæладзыгон скъола.
Ног скъолайы арæзтад ахуыргæнæдоны раздæры бынаты царды уагъд цæуы федералон проект «Все лучшее детям» æххæстгæнгæйæ. Проектмæ гæсгæ дзы уыдзæн райдзаст ахуырадон агъуыстытæ, спортивон зонæ, нырыккон фæрæзтæй ифтонг Центр «Точка роста» — шахмæтты æмæ нывкæнынады студитимæ, стæй робототехникæйы кабинетимæ.
Арæзтадон куыстыты рæстæг сывæллæттæ ахуыр кæнынц æндæр скъолаты, фæлæ сæ тынг фæнды сæхи ахуыргæнæндонмæ. Проектмæ гæсгæ 3 уæладзыгон бæстыхайы уыдзæнис актон зал 160 бынатæн æмæ хæрæндон 100 адæймагæн.
Скъолайы бæстыхайы æппæт куыстытæ æххæстгонд куы *рцæуой, уæд рацараздзысты спортивон фæзтæ, фæзындзæн дзы æрмадзтæ дæр. Уым хъæугæ кусæнгæрзтæ исынц ныридæгæн. Куыстытæ фæуынвæнд кæнынц 2028-æм азы.
