Нæ республикæйы аивæдты сгуыхт архайæг ныффыста 250 музыкалон уацмысæй фылдæр
Цæгат Ирыстоны паддзахадон базарадон-экономикон колледжы арæзт æрцыд, композитор æмæ фыссæг Моргуаты Юрийы сфæлдыстадон изæр. Нæ республикæйы аивæдты сгуыхт архайæг ныффыста 250 музыкалон уацмысæй фылдæр. Абон дæр æнæзæрдæхудт фæллой кæны, Ирыстонæн лæггад кæнгæйæ. Уыимæ йæм цы фæлтæрддзинад ис, уый зæрдиагæй хæццæ кæны æрыгон фæлтæрмæ. Колледжы фойейы байгом хуызистыты равдыст. Уый фæрцы уазджытæ базонгæ сты Моргуаты Юрийы царды æмæ сфæлдыстады сæйрагдæр хъуыддæгтимæ. Мадзал арæзт æрцыд, проект «Нæ рæстæджы хъайтартæ» æххæст кæнгæйæ. Йæ сæйраг нысан у — рæзгæ фæлтæры зонгæ кæнын, Цæгат Ирыстоны культурæйы æмæ наукæйы рæзтмæ стыр æвæрæн чи бахаста, ахæм зындгонд адæмимæ.
