Баст уыд зындгонд башкираг поэт Мустай Каримы сфæлдыстадимæ
Республикæйы хæлардзинады Хæдзары уыд тематикон изæр «Я не случайный гость семьи родимой». Баст уыд зындгонд башкираг поэт Мустай Каримы сфæлдыстадимæ. Йæ сисы бынæй рацыд 100 поэтикон æмæ прозакион æмбырдгондæй фылдæр. Уымæй дарддæр ма ныффыста 10 драмон уацмысы. У ахæм хъуыстгонд пьесæты автор, куыд «В ночь лунного затмения», «Семь сновидений сквозь явь», «Не бросай огонь, Прометей!», «Похищение девушки» æмæ «Салават». æвæрд цыдысты Советон Цæдисы æмæ фæсарæйнаг бæстæты бирæ театрты сценæйы. Йæ прозæ æмæ уацаутæ хицæн кæнынц арф æнкъарæнтæй æмæ юморæй. Мустай Каримы сфæлдыстады сæйраг темæтæ сты – номарын, хæст, адæмы уидæгтæ æмæ гуманизм. Фыссæг дунемæ каст уæлмонц æнкъарæнты уылты: æфсарм, хæс, кад æмæ уарзондзинад. Йæ уацмыстæ ратæлмац кодтой дæсгай æвзæгтæм. Тематикон изæры архайдтой национ æмæ культурон æхсæнадты минæвæрттæ. Азæлыдысты поэты уацмыстæй рæнхъытæ, башкираг зарджытæ æмæ кæфтытæ. Ахæм мадзæлтты фæрцы рæзгæ фæлтæр зонгæ кæнынц æндæр адæмы хæттыты культурæ æмæ аивадимæ.
