Сæ архайджытæ сæ хъарутæ бафæлвæрдтой алыхуызон нырыккон, стæй традицион национ дисциплинæты
Уæвгæ, Къостайы райгуырæн боны кадæн бирæ мадзæлттæ арæзт цæуынц. Культурæйы æмæ фæллад уадзыны парчы ацыдысты Нарты хъæзтытæ. Сæ архайджытæ сæ хъарутæ бафæлвæрдтой алыхуызон нырыккон, стæй традицион национ дисциплинæты. Цалдæр фæзы аив кастысты поэты æмдзæвгæтæ æмæ музыкалон композицитæ. Нырты хъæзтытæн æвдисæн уыд нæ уацхæссæг Чехойты Фатимæ, æмæ йын ныхасы бар.
Цъебойты Ермак æмæ Инал царды кæрæдзиимæ ерыс кæнын стæм хатт нæ бафæлварынц. Ныр та сты Нарты хъæзтыты архайджытæ. Ивазæнты фаззон æфсымæртæй алкæйы дæр бахъуыдис тых æмæ хъару равдисын. Хетæгкаты Къостайы райгуырды боны кадæн арæзт мадзал сын уыдис историимæ зонгæ кæныны æмæ Нарты хъæбатырты хъæзтыты сæ арæхстдзинад равдисыны фадат.
Бæндæнæй хъазт, дурисæнтæ, ивазæнтæ, ныхмæлæууæджы уæхсгæй акъуырын иу къахыл гæппытæгæнгæйæ. Нарты хъæзтыты хуызтæй иуæй иуты лæппутимæ ерыс кодтой чызджытæ дæр.
Горæты культурæйы æмæ фæлладуадзæн парчы мадзæлттæ цыдысты цалдæр фæзы — иуæй дæрдмæ хъуыстысты поэты лирикон уацмысты рæнхъытæ, иннæйы ерыс кодтой Нарты хъæзтыты архайджытæ, адæмон хореграфи чи уарзы, уыдон кафыдысты, чидæр та цагъта музыкалон инструментыл.
Сæ архæстдзинад æмæ хъару равдисыны фадат уыдис кæй фæндыд, уыдонæй алкæмæн дæр. Суанг ма туристтæ дæр иуварсæй нæ кастысты. Екатеринбургæй уазджытæ Вадим æмæ Ольга Петренко сæ тыхтæ бафæлвæрдтой бæндæнæй хъазты.
æнæниз цардыуагмæ рæзгæ фæлтæр æмхиц кæнын, сæ зæрдæты сын патриотизмы *нкъарæнтæ *взæрын кæнын, иудзинадыл сæ ахуыр кæнын — ахæм хæстæ сæ размæ æвæрдтой Нарты хъæзтытæ саразджытæ. Уыдон та уыдысты республикæйы ахуырады æмæ зонады министрад, Цæгат Ирыстоны базарадон-экономикон колледж æмæ 5-æм профессионалон училищæ.
Къоста иу кæны алы кары адæмы, спортмæ æмæ сфæлдыстадмæ æмхиц цæрджыты, стæй алы адæмы хæттыты минæвæртты. Поэты кадæн мадзæлтты зæрдиагæй архайдтой республикæйы районты æрыгон минæвæрттæ. Уыдоны курдиат æмæ арæхстдзинад æхсызгондзинад лæвар кодтой хистæртæн.
Нарты хъæзтытæ æрмæст хи ирхæфсынæн арæзт не *рцыдысты. Сæ нысан — архайджыты тых æмæ хъару сбæрæг кæнын, стæй фæлтæрты адæмон традицитæ, культурæ æмæ историимæ зонгæ кæнын.
