Онлайн-семинар арæзт æрцыд Цæгат Ирыстоны æхсæнадон палатæйы
Цæгат Кавказы æхсæнадон цæстдарджытæ базонгæ сты сæ кæрæдзийы фæлтæрддзинадимæ, æвзæрстыты рæстæг куыд куыстой, уый фæдыл. Онлайн-семинар арæзт æрцыд Цæгат Ирыстоны æхсæнадон палатæйы. Видеобастдзинады хуызы дзы архайдтой Цæгат Кавказы федералон зылды æппæт субъектты минæвæрттæ. Сæйраг нысан — æнтыстджын практикæтыл æрдзурын, бакусинаг фарстатæ сбæрæг кæнын, æмæ федералон конгресс «Лаборатория опыта»-мæ бацæттæ кæнын. Арæзт æрцæудзæн 7-æм æмæ 8-æм ноябры, Уæрæсейы æхсæнадон палатæйы. Конгрессы архайдзысты нæ бæстæйы регионтæй 200 адæймаджы онг. Цæгаткавказаг семинары фæлгæты æвзæрстой делегатты, цæмæй нæ зылды номæй архайой федералон æмвæзады. æмбырды бахастой, Цæгат Кавказы иумæйаг фæлтæрддзинады лаборатори саразыны фæндон.
