филиал вгтрк государственная телерадиовещательная компания “Алания”

Цæгат Иристони æхсæнадон транспорти системи ахедундзинадæ æма лæггæдти хуæрзгъæдæдзинадæ фæххуæздæр кæнун. Ауæхæн ихæс Дзанайти Барис сæвардта сæрмагонд æмбурди.

Адæймаги ном сæносон кæнунцæ æ фæллæйнттæ, æ рæдау уоди конд. Лескени 4-аг хатт ци сфæлдистадон конкурс саразтонцæ, радон хатт, уоми куд берæ скъоладзаутæ байархайдта, е адтæй уомæн æвдесæн.. «Дигорон поэзий æноcон стъалу!», уотæ схудтонцæ мадзал æ саразгутæ. Ма æцæгæй дæр Хидирти Батарбег æма Зурмахани фурт Ехйай уотæ хонунцæ, Лескени цæргутæ, æ зонгитæ æма сфæлдистадон косгутæ.

 Футбол уарзгутæн бæрæгбон. Чиколай 9 хатт арæзт æрцудæй футболон клуб «Алания»-и раздæри капитан Цæрикъати Тараси хуæрзеугутæ рамолуни турнир. Архайдтонцæ си Цæгат Иристони зундгонд фудболон командитæ, удта Кæсæг Балхъари минæвæрттæ.

2026-аг анзи районти бюджетти сæйраг фарстатæбæл æрдзубанди кодтонцæ сæрмагонд æмбурди. Амудта æй хецауади сæрдар Дзанайти Барис.

Цæгат Иристони идарддæр цæуй гриппи нихмæ вакцинаци. Республикæ райста препаратти дуккаг парти. Поликлиникити косунцæ прививкитæ кæнæн кабинеттæ,

Зæрдиаг фембæлд! Уотæ исхонæн ес Дзæуæгигъæуи националон наукон киунугæдони Бабочити Русланæн ци сфæлдистадон изæр арæзт æрцудæй,уой. Зундгонд финсæгæн йæ 75 анзей юбилеййи, удта æ нæуæг киунуги рацуди фæдбæл раарфæ кæнунмæ æрбамбурд æнцæ дзиллитæ.

Ӕцард балӕвар кодта кӕстӕр фӕлтӕри гъомбӕладӕн,уотӕ зӕгъун ӕнгъезуй Хӕзнидони скъолай 50 анзей бӕрцӕ ка фӕккуста, уоци Сихъоти Хъазбегӕй

Разамунддæттæг компанити æма хæдзæртти хецæутти æмбалади кустбæл дзубанди цудæй парламенти совети. Коммуналон лæггæдти къабази лухгæнуйнаг фарстатæй еу адтæй хæдзаради разамонгутæ æма хæдзæртти хецæутти хсæн ахастдзинæдтæ.

Рæнгъитæй цуд, тактикон ахуртæ, медицинон æнхус тугъддон уавæрти. Цæгат Иристони медицинон колледжи студентти æрмæст адæми сæ незтæй дзæбæх кæнунбæл нæ ахур кæнунцæ, фал æнæнгъæлæги уавæрти æнхус кæнунбæл дæр. Уæлдай цæстдард цæуй патриотон гъомбæладæмæ.

Парламенти Совети цæугæ æмбурд арæзт æрцудæй Дигори райони. Депутаттæ, Спикер Тускъати Таймораз сæ сæргъи уотемæй, фæууидтонцæ физкультурон-спортивон комплекс,бабæрæг кодтонцæ фермерон хæдзарадæ, фембалдæнцæ амалгъом адæми хæццæ. Парламенти Совети æрдзурдтонцæ райони экономики райрæзтбæл, лух кæнуйнаг фарстатæбæл.

Иристони минæвæрттæ бабæй, сæ хъаури фæрци, фиццæгти æмрæнгъæ æрлæудтæнцæ Америки хуæсти егъау еристи. Сабети Хетæг æма Сæбанти Батраз Иристонмæ иссудæнцæ еци хуæсти фæсте æма сæ хæццæ фембалдан Сурх – Дигори.

Сайраг темитæ: Рæстæги цуди хæццæ цардмæ хаст цæунцæ нисантæ. Истори куд амонуй, уотемæй раздæр нисантæн адтæй устур медес æма бунат. Чиколай цæргути дæр бафæндæ адтæй сæ гъæу куд зононцæ сæ туруса æма гербæй. Фиддæлти фарнæ æма кадæ идарддæр хæссæг. Иристони зундгонд æй хирург, профессор Хъульчити Агубей фурт Æхсарбеги ном. Æ дæсниади фæрци берæ адæмæн барæвдудта […]

Абони бон Иристони цæргутæн, Уæрæсей, удта æгас Дуйней дзиллитæн æй зæрдæбæл дарæн. 2004-аг анзи фиццаг сентябри Беслæни фиццаг скъолай ци æверхъау цау æрцудæй, уомæн иронхгæнæн нæййес. Уоци бон скъолай тургъæмæ, райдзаст æнкъарæнти хæццæ, æрбацудæй 1128 адæймаги, фал си, гъулæггагæн, беретæн скъоламæ над иссæй рандæ уо æма мабæл æрбацой над. Террористти аминати бахаугӕй сӕ цард раскъудӕй Бетрозти Руслан ӕма ӕ дууӕ фурти Алан ӕма Асланӕн дӕр.

Аци анзи райдайæнæй Цæгат Иристони 700 бинонтæ мадæлон капитал схардз
кодтонцæ сувæллæнтти ахурадæбæл. Уоци нисантæн Социалон фонди республикон хайадæ радех кодта 74 милиуан сомей уæнгæ.

Хæзнидони сбæрæг кодтонцæ хуйæн фабрикæ БТК -й.

Республики Сæргълæууæг æма Хецауади Администраций разамонæг Гобети Ибрагими разамундæй адтæй организацион комитети æмбурд, æма си дзубанди цудæй Беслæни теракти 21 анзи саударæн мадзæлттæмæ цæттæ кæнунбæл.

Национ парк «Алани»-й туристон къахнæдтæ ертасунцæ волонтертæ Уæрæсей али регионтæй æма æрмæст уордигæй нæ. Еугурадæмон фæсевæдон организаци Айсик-и проект «Кавкази код»-и командæ Цæгат Иристонмæ ссудæй июли кæрон. Ахур кæнунцæ республики фестæгæйцæуæн маршруттæ

Мæздæги парти «Еугонд Уæрæсе»-й хайади æрæмбурд кодтонцæ активондæр волонтерти. Се хсæн сæрмагонд æфсæддон операций архайгутæн æма сæ бинонтæн гуманитарон æнхус æмбурд кæнунмæ æвæрæн хæсгутæ.

Абони ку нæ расагъæс кæнæн нæ хестæрти нæмттæ сæносон кæнунбæл, уæд исон байрæги уодзæнæй, иронхи бунати байзайдзæнæнцæ, уоци гъудибæл хуæцгути фæрци Толдзгуни фæззиндтæй номерæн бунат.

Уӕрӕсей Федераций, Цæгат Иристони ӕскъуӕлхт дохтур, Хӕзнидони цӕрӕг Хъульчити Ӕхсарбег бафӕнзуйнаг ӕй ӕрмӕст ӕ дӕсниади ӕнтӕстдзинӕдтӕй нӕ, фал ӕ ниййергутӕн хъазар бунатмӕ цӕстӕнгасӕй. Ба бабӕрӕг ин кодтан ӕ фидиуӕзӕг.

Мӕздӕги косуй сувӕллӕнтти сӕрдигон лагерь, кӕцими, сувӕллӕнттӕ, архайунцӕ хуарз гъуддӕгутӕ кӕнунбӕл.

Цæгат Иристон гъæуама активонæй архайа национ проектти æма паддзахадон программити мадзæлтти. Аци ихæслæвæрдмæ Дзанайти Барис дзуапдæттæг ведомствити æргом раздахта курдиæттæ есæн кампаний фарстати фæдбæл æмбурди.

Сергей Меняйли унаффæмæ гæсгæ, 11-магæй 14-аг августмæ Цæгат Иристони хуæнхти рацæудзæнæй сæрдигон студентон æмбурд «Æригон».

Нæ эфири нæ фæндуй ракæнун Советон Цæдеси бæгъатæр Махъоти Алихани кой. Чиколай æ номбæл ес гъæунгæ æма скъола.

Республики цæстæдарæн-нимайæн оргæни Советæн Чиколай адтæй цæугæ æмбурд. Ӕрдзурдтонцæ национ проекттæ æма муниципалон программити архайдбæл.

Сурх -Дигори арæзт æрцудæнцæ Сабети Сергеййи номбæл Еугурдунеон еристæгъæбесæй хуæстæй. Царди цуди хæццæ дæр йæ фæллæйнттæ æнцæ бунати.

Багъæуаги сахат æнцæ алке фарсмæ дæр. Цæгат Иристони дууæ анзей дæргъи косуй фонд «Фидибæстæ гъæуайгæнгутæ». Йæ координаторти еу бони архайдбæл рафæлгæстæй не сфæлдистадон къуар. Зæрдиаг фембæлд. Кафти сосæгдзинæдтæ ка зонуй, етæ æрбамбурд æнцæ Ирæфи районмæ Тотойти Хъазбеги номбæл кафти фæндзæмаг фестивальмæ.