филиал вгтрк государственная телерадиовещательная компания “Алания”

«Нуриккон дуйней силгоймаги ахедундзийнадæ». Ауæхæн сæргонди хæццæ конференци арæзт æрцудæй национ наукон библиотеки. Бацæттæ æй кодта республики пусулмæнтти управлени.

Дигорай адтæй Бердити Солтани номбæл 12-аг турнир уæгъдебар гъæбесæйхуæстæй. Æдеугурæй 180 архайæги Цæгат Иристони æгас районтæй, Хонсар Иристонæй, Словакийæй. Уæлахездзаути æма призерти сбæрæг кодтонцæ 10 уæзей категорий.

Сайраг темитæ: Хецауади сæрдар Дзанайти Бариси разамундæй арæзт æрцудæй, республики культурон объекттæ гъæуайкæнуни фарстати фæдбæл æмбурд. Иристони зундгонд лæгтæй еу, адæнæн лæггадæ кæнунæй ка нæ уагæ кæнуй, уоци Хъульчити Агубей фурт Æхсарбег исбæрæг кодта 80 анзей юбилей. Хæзнидойнаг биччеу, тугъди сувæллонæн æнхæстæй цæугæ рауадæй царди къæпхæнтæбæл. Дзæуæгигъæуи арæзт æрцудæй регионти æхсæн турнир волейболæй, сæрмагонд æфсæддон […]

Хъолай цъетей рази сæвардтонцæ комплексон мониторинги автоматикон метеостанцæ. Ихæслæвæрдтæ æнхæст кæнунæн спайда кодтонцæ Хонсар авиацион-ервæзунгæнæн центри вертолет Ми-8 — æй. Оперативон къуари хигъди адтæнцæ æнæнгъæлæги цаути министради, гидрометцентри æма наукон æхсæнади иуæнгтæ.

Цæгат Кавкази хуæнхон-металлургон институти волонтертæ райдæдтонцæ Дзæуæгигъæуи артаги станцити змæлди æма ради лæууни фæткæ координаци кæнун.

Уæллаг Фиййагдони скъолай 10 ахурдзауи ард бахуардтонцæ æма бацудæнцæ отряд «Арæнгъæуайгæнгути æвзонг лимæнтæ»-йи рæнгъитæн. Алкедæр си райста берет æма æвдесæндар.

Ирæфи райони адтæй парламенти Совети æмбурд. Депутаттæ æркастæнцæ райони социалон-экономикон райрæзти, бюджети æма туристон къабази хæццæ баст гъуддæгутæмæ. Парламенти сæрдар Тускъати Таймораз бабæрæг кодта цалдæр социалон объекти, аргъ скодта кустуæтти архайдæн æмæ фембалдæй æхсæнади минæвæртти хæццæ.

Не мзæнхон Хъамболти Марат официалон æгъдауæй иссæй Хоссар Иристони президент. Ӕ царди нади райдайæн кæцæй адтæй, уобæл рафæлгæст нæ равдисти æрмæги.

Аци анзи фиццаг æмбесмæ фæффулдæр ӕй хе продукций æма инвестицити бæрцӕ. Цæгат Иристони экономикон рæзтбӕл лӕмбунӕг æрдзурдтонцӕ республики хецауади æмбурди. Профилон министради игъосунгæнцйнагмæ гæсгæ, промышленнон продукций бæрцӕ дзӕвгарӕ фæффулдæр ӕй.

Ӕ 90 анзей юбилейбӕл исӕмбалдӕй тугъди сувӕллон, философ, политолог, ӕфсӕдтон, берӕ паддзахадон хуӕрзеугути хецау Хъиргъути Хадзирети фурт Анзор. Кадгин хестӕри цардбӕл рафӕлгӕстан нӕ равдисти ӕрмӕги.

Сергей Меняйло нæуæгæй æвзурст æрцудæй республики сæргълæууæгæй. Æ кандидатурæбæл ин сгъæлæс кодта Цæгат Иристони Парламенти 61 депутати.
Республики сæргълæууæги бунатмæ ма адтæй 2 кандидати: Олег Варнавин æма Дудайти Чермен. Равзурсти фæсте Сергей Меняйло ард бахуардта уруссаг æма ирон æвзæгтæбæл.

Цæгат Иристони хатдзæгтæ кæнунцæ Паддзахадон Думæмæ депутатти æвзурститæн. Цудæнцæ 3 бони. Фæстаг бæрæггæнæнтæмæ гæсгæ, сæ конституцион барæй спайда кодта гъæлæсгæнгутæн сæ æстай фондз проценттей уæнгæ. Нæ равдисти, цубурæй, рафæлгæстан республики æвзурстити цудбæл.

Уомæй хуæздæр ма ци уа, æма дзубандитæ гъуддæгутæй царди сæ бунат ку еронцæ. Дигори райони Дур-Дури гъæуи цæргути цийнæн кæрон нæййес. Байгом си æй нæуæг арæзт сувæллæнтти рæвдауæндонæ. Бæстихай конд æрцудæй паддзахадон программæ «Гъæути территорити комплексон райрæзт»-и архайди фæрци.

Кæд æ рæстæг кадавар æй, уæддæр сувæллæнттæн фарсхуæст радтун æ зундæй нæ хецæн кæнуй. Радон хатт, Ирæфи райони Хæзнидони гъæуи минæвар, Хонсар Иристони президентти ихæстæ æнхæстгæнæг Хъамболти Аркадий фурт Марат барайдзаст кодта фиццагкъласонти зæрдитæ, фæррæуæгдæр кодта ниййергути къохтæ.

Мæздæги арæзт æрцудæй ахурадон семинар, æхсæнадон цæстдаргутæн егъау ахурадон марафон. Цалдæр къуæрей дæргъи Цæгат Иристони Æхсæнадон палати эксперттæ бæрæг кодтонцæ республики æгас муниципалон скондтæ. Адæми зонгæ кодтонцæ æвзарæн хæйтти кусти хецæндзийнæдти хæццæ.

Радон арфи финстæг, Уæрæсей гъæуай кæнунади министрадæй, райста, меценат, Уанити Хъазбег. Е, æ фуртти хæццæ, устур æнхус кæнуй сæрмагонд æфсæддон операций архайгутæн фарсхуæст радтунмæ.

Аци анз Цæгат Иристони 525 бийнонтæ сæ мадд æлон капитал, бахарз кодтонцæ сæ сув æллæнтти ахурад æбæл. Аци къабазæ æй, цæрæну æтти уав æрху æздæр кæнуни фæсте, раззагдæртæй еу.

Цæгат Иристон идæрддæр æнхуси хай хæссуй с æрмагонд æфс æддон операций æрхайгутæн банхус кæнуни гъуддагмæ. Бархеуонтæй еу æй нæ сюжети хъайтар Тускъати Эльвирæ. æмгустад æкæнуй кустуат «Согрей солдата»-и х æццæ. Эльвирæ æфс æддонтæн æрветуй æхе къохт æй конд дзаумæуттæ. æсæйраг кусти фæсте, изæригæнтти, хæдзари æрбадуй хуйæн машини рази æмахæссуй евæрæн æгъазийау гъуддагмæ. Уогæад æймаги ку бафæндæ уа, уæд рæстæг цæмæн не *ссердзæнæй.

Сайраг темитæ: Республик хецауади сæрдар Дзанайти Бариси разамундæй арæзт æрцудæй Цæгат Иристони зæнхи хæйттæй пайда кæнуни фарстати фæдбæл æмбурд. Сæйраг темæ — карьерти рекультиваци, пайдагин æрзæттæ агоруни фæсте. Нæ абони равдисти нæ фæндуй æ юбилейи фæдбæл раарфæ кæнун Иристони кадæ алли рауæн дæр бæрзонд æвæзадæбæл ка хæссæуй, уоци Цæгат Иристони Парламенти Сæрдар, æ цард æнæ […]

Цæгат Иристони анзи райдайæнæй диспансеризаци рацудæнцæ сæрмагонд æфсæддон операций ветерантæй 300-мæй фулдæр. «Фидибæстæ гъæуагæнгути» фонд ци модель равзурста, уомæ гæсгæ процесс фæууй еу бонмæ.

Цæгат Иристон дæр æхе цæттæ кæнуй æвзурститæмæ, абони не *студимæ æрбахудтан Ирæфи райони территориалон æвзарæн къамиси сæрдар Тускъати Эльвири. Ра нин æргом кæндзæнæй æвзурститæмæ цæттæгæнæн амæлттæ

Дигори райони цæуй тиллæг æфснайæн кампани. Æмбурд кæнунцæ сезони культуритæ, техникæ будурти косуй сæумæй изæрмæ.

Нæ равдисти рæстæгæй рæстæгмæ , рахæссун уæ размæ , нæ равдистмæ кæсгутæ, Фидибæсти Устур тугъди бæгъатæрдзийнадæ равдесгути туххæй æрмæгутæ. Аци хатт æримиссинан Ирæфи райони еунæг Советон Цæдеси бæгъатæр Махъоти Алихани ном.

Дзæуæгигъæуи Чапаеви гъæунги хеди цалцæг нисан кæнунцæ 2026-æм анзи райдайун. Уой туххæй æ пресс-конференций журналисттæн фегъосун кодта Цæгат Иристони нæдти хæдзаради комитети сæрдар Солити Тариэль.

Дигори райони куст цæуй адæми царди уагæ фæххуæздæр кæнунæн ахсгиаг ка æй, уоци паддзахадон программитæ æма ниционалон проекттæ царди уадзунбæл. Рæхги, Дур-Дури цалцæги æма арæзтади фæсте косун райдайдзæнæй нæуæг рæвдауæндонæ æма скъола.

Лескени гъæу зундгонд æй æ гъæздуг историйæй æма адæмæй. Гъæуи цæрæг Бетрозти Аслæнбег анæкæрон уарзтæй кæй уарзуй æ райгурæн гъæу, уомæн æвдесæн æй æ зæрдиаг куст. Аслæнбег æнзти дæргъи æмбурд кæнуй историбæл дзорæг экспонаттæ.

Цæгат Ирыстони районти культури хæдзæрттæ райстонцæ 5 милиуан сомемæй фулдæр, сæ материалон-техникон бундор снæуæг кæнунæн.

Æрмдæснийади сосæгдзийнæдтæ! Уæгъдæ рæстæг пайдайагæй æрветун æма нæуæг дæснийади хæццæ базонгæ ун. Сикъитæй дзаумæудтæ аразун амонуй Уæрæсей хузæгæнгути Цæдеси иуонг Демети Ибрагим. Дæснийадææвдесæг ахурти архайунцæ сувæллæнттæ æма хестæр кари адæм.

Ирæфи райони ци историон бунат Кетæ ес, уой истори кæд, лæмбунæг ертæст нæма æй, уæддæр ин ес бæрзонд аргъ æма æй цæстигагуйай гъæуай кодтонцæ æма кæнунцæ Хæзнидони гъæуи цæргутæ. Ци фиддæлтигкон обæуттæ си ес, уони федæни фæлтæрæтмæ фæхъхæртун кæнунбæл бакуста Хъамболти Марат.