филиал вгтрк государственная телерадиовещательная компания “Алания”

Сайраг темитæ: 15 маййи Цæгат Иристони бæрæггонд æрцудæй ирон æвзаги бон. Йæ фæлгæти, деденгутæ ис æвардтонцæ литературон æвзæгти бундорæвæргутæ Хетæгкати Къоста æма Малити Геуæргий циртдзæвæнтæбæл. Архайдтонцæ си хецауади иуæнгтæ, æхсæнади, кустуæттæ, ахургæнæндæнтти минæвæрттæ. Рагон традици нæуæггонд æрцудæй! æртиккаг анз Ирæфи райони Хæзнидони гъæуи, Боллоти Тайморази хъæппæресæй проект «æносон бæгъатæртæ»-йи фæлгæти арæзт æрцæуй фæнзуйнаг номерæн мадзал […]

Еу анзæй иннемæ цæмæдессаг дæр, еу хаттæй иннемæ нæуаргун дæр фæууй Ирæфи райони Хæзнидони гъæуи, сæ фурттæмæ æнгъæлмæ кæсгæ ка байзадæй цæргæбонти, уоци ниййергути кадæн ци мадзал » Поклонимся Матери солдата» арæзт æрцæуй, е. 9-аг хатт Хæзнидонмæ, уоци ниййергути кадæн æвæрд монументти размæ, æрбамбурд унцæ Цæгат Иристони районтæ, æма синхаг республикити минæвæрттæ.

Парти «Еугонд Уæрæсе»-й æхсæнадон æнхуси штаби арæзт æрцудæй шахмæттæй турнир «Уæлахези цуд». Турнири архайдтонцæ Сергей Карякини номбæл шахмæтти скъолай ахурдзаутæ, удта сæрмагонд æфсæддон операций архайгути сувæллæнттæ.

Цæгат Иристон æхе цæттæ кæнуй Уæлахези бонмæ. Нæ абони райдзаст цардмæ над игæрдгути кадæн арæзт æрцæудзæнæй дзæвгарæ мадзæлттæ куд Дзæуæгигъæуи, уотæ республики районти дæр. Ирæфи райони сæргълæууæги хуæдæййевæг Соскъити Алан нæ базонгæ кæндзæнæй , уоми циуавæр амæлттæ искæнуни фæндæ сæмæ ес, уой хæццæ.

7 майи Дзæуæгигъæуи национ наукон киунугæдони арæзт æрцæудзæнæй Бузойти Кермени киунугæ «Мæ зæрди катай»-и презентаци. Цæгат Иристони еугонд командæ армхуæстæй, байахæста фиццаг бунат Уæрæсей чемпионати Орели. Йæ хигъди адтæй 38 спортсмени.

Уæлахези волонтертæ радон хатт расседтæнцæ Еугруæрæсеон акци «Геуоргий лентæ». Бархеуонтæ нæуæгæй рацудæнцæ мин æма фондз сæдæ горæтей æма гъæуей гъæугтæмæ, цæмæй адæмæн байуаронцæ тугъдон намуси символ.

Санкт-Петербурги байгом æй 10-аг юбилейон равдист «Ирон палитрæ Невай билгæрæнттæбæл». Аци культурон проект иссæй ирон минæваради ахсгиаг хай.

Чиколай дуккаг хатт арæзт æрцудæй, Фидибæсти Стур тугъди архайгутæ, Надгерити 5 æфсымæри: Мухаджир, Мухарбег, Ехья, Мæхæмæт, æмæ Мазани номбæл республикон турнир дзюдойæй.

Дзуаригъæуи Фиййагдони цæугæдонбæл идарддæр цæуй билгæрæнттæ федаргæнæн фæрæзти арæзтадæ. Уой туххæй фегъосун кодта республики сæргълæууæг Сергей Меняйло.

Фиццæгти змæлди Ирæфи райони 30 æвзонг активисти сфедар кодтонцæ Уæрæсей гражданини статус. Чиколай 1 – аг скъолай син кадгин уавæри равардтонцæ сæ паспорттæ.

Ахури анз кæронмæ фæхъхъæртуй æма не студимæ æрбахудтан Ирæфи райони ахуради управлений сæргълæууæг Хъæбæлоти Зæлими. Фæндуй мæ йæ хæццæ радзорун сæ æнтæстдзийнæдтæ æма федæни Паддзахадон фæлварæнтæ дæдтунмæ цæттæдзийнади туххæй.

Фидибæсти Стур тугъди уæлахези бон сбæрæг кæнуни мадзæлттæбæл Сергей Меняйли разамундæй дзубанди цудæй организацион комитети æмбурди. Æдеугурæй Дзæуæгигъæуи нисан кæнунцæ 2 сæдæ мадзали саразун. 9-аг майи Сæребари фæзи, традицимæ гæсгæ, уодзæнæй Уæлахези Парад.

Чиколай фиццаг скъолай арæзт æрцудæй бæрæгбон. Баст адтæй космосмæ фиццаг адæймаг ку фæттахтæй уæдæй 65 анзи ке рацудæй, уой хæццæ. Мадзали байархайдтонцæ æрмæст Ирæфи райони скъоладзаутæ нæ, фал ма Кæсæг – Балхъари минæвæрттæ дæр.

Бийнонти физкультурон-дзæбæхгæнæн центр «Физикон»-и адтæй «Чемпиони хæццæ тренировкæ». Æвзонг фехтованийæй архайгути хæццæ фембалдæнцæ Олимпаг чемпионкæ, республики физкультурæ æмæ спорти министри хуæдæййевæг Санати Аидæ æма уæззау атлетики Олимпаг гъæзтити призер Æлбегати Руслан.

Фиццаг апрелæй фæстæмæ паддзахадон пенситæ индексаци конд цæунцæ авд проценттемæ хæстæг. Е хауй Цæгат Иристони 19 мин пенсиесæгемæ.

Царди цуди хæццæ нæ историй хæццæ баст хæзнатæ идарддæр федæни фæлтæртæмæ дæдтуни гъудагбæл кусти ахсгиагдзинадæ, æрмæст дзубандитæй ка не вдесуй, фал сæ цардмæ цæстуингæ æрмæгæй хæссунбæл ка архайуй, еу уæхæн силгоймаг Текъоти -Сæбанти Зини хæццæ дзубандийæй мæ уæ фæндуй фæххайгин кæнун, мæ уарзон дзиллитæ.

Райдæдта, Фидибæсти Стур тугъди теми хæццæ баст æмдзæвгити конкурс «Поклонимся матери солдата»-мæ курдиæттæ есуни рæстæг. Йæ сæйраг нисан æй кæстæр фæлтæрмæ Фидибæстæмæ уарзондзинадæ игурун кæнун, абони цардмæ над аразгутæн аргъ кæнун æма сæ гъуди кæнун.

Дигорай 5-аг рæвдауæндони райдæдтонцæ бундорон цалцæггæнæн куститæ. Ку байгом æй,уæдæй нурмæ нæуæггонд нæ цудæй. Куститæ цæунцæ, национ проект «Бинонтæм»-æ гæсгæ.  

Нæ равдистæй æримиссинан мадæлон æвзагбæл архайд æ хъисмæт кæмæн адтæй, уоци зундгонд финсæг, Цæгат Иристони культури æскъуæлхт косæг, журнал «Ирæф»-и сæйраг редактори хуæдæййевæг Колити Виталий рохс ном.

РЦИ-А Сæргълæууæг фембæлдæй сæрмагонд æфсæддон операций архайæг, Дзæуæгигъæуи бунæттон администраций косæг Хуасдзаути Омари хæццæ æма æй схуарзæнхæгин кодта «Иристони Сæраппонд»-и майданæй.

Æ царди алли къæпхæн дæр баст адтæй æхсæнадæн пайда æрхæссуни хæццæ. Дур-Дури цæрæг, Цæгат Иристони ӕскъуæлхт ахургæнæг Зæнгионти Геуӕрги, кæд абони нæ фарсмæ нæбал æй , уæддæр æ ном цæруй, æ ниффинст киунугути фæрци ба кæстæртæмæ лæвæрд цæудзæнæнцæ ахсгиаг гъуддæгутæ. Пенсимæ рацæугæй дæр æнцад бадун нæ зудта, Иристони киунугути къæбец дзæвгаæ фæгъæздугдæр кодта æ ниффинст æрмæгутæй.Æ фæнзуйнаг цард æма исконд гъуддæгути туххæй дзурдтонцæ Дигорай Цæголти Геуæргий номбæл музеййи ци номерæн мадзал арæзт æрцудæй, уоми.

Дигори райони сæргълæууæг Цагъати Сослан Цæгат Иристони кадæ гъæуай кæндзæнæй еугуруæрæсеон муниципалон преми «Служение» -и финалистти æхсæн. Сослан архайдзæнæй номинаци «Лæгдзийнадæ æма бæгъатæрдзийнадæ æвдесун Фидибæсти сæрвæлтау»-и. Цагъати Сослан абони æй не студий иуазæг æма нин лæмбунæгдæр радзордзæнæй аци ериси ахадундзийнади туххæй.

Ирæфи райони Лескени гъæумæ бахезæни цæуй нæуæг хеди арæзтадæ. Куститæ райдæдтонцæ фарæ æма фæуууодзæннæцæ аци анзи кæронмæ. Специалистти дзубандитæмæ гæсгæ, нæуæг конструкци уодзæнæй зæронд хедæй федардæр æма æдасдæр. Объектти реконструкци æнхæстгонд цæуй национ проект «Цардæн инфраструктурæ»-мæ гæсгæ.

Ервæзунгæнгутæ æрбацæунцæ æнхусмæ, фæуунцæ тæссаг уавæрти æма равдесунцæ скъуæлхтдзийнадæ. Аци кустмæ æ нифс ка бахаста, уонæй еу æй нæ абони равдисти хъайтар Дрети Будулай

50 анзей размæ хабæрттæ куд базониуонцæ æма газетти косгутæ куд архайдтонцæ, уой хæццæ нур сæ бон базонгæ ун æй Дигорай цæргутæн. Газет «Дигори хабæрттæ»-и редакций байгом æй Цæгат Иристони журналистики фиццаг музей.

Абони бӕрӕггонд цӕуй «Фидибӕстӕ гъӕуайгӕнӕги бон». Нӕ равдисти уӕ зонгӕ кӕнӕн Ирӕфи районӕй Афганистани зиндони ци фӕсевӕд бафтудӕй,уонӕн Хӕзнидони ци кадӕ искодтонцӕ,уой хӕццӕ.

Райдӕдта пусулмон динбӕл хуӕст адӕми цитгиндӕр мӕйӕ – Уоразай рӕстӕг. Йӕ даруни фӕткитӕ ӕма уагӕвӕрдтити хӕццӕ нӕ базонгӕ кӕндзӕнӕй Цӕгат Иристони муфтий хуӕдӕййевӕг Ӕршити Батраз.

Нæ абони равдисти нæ бафæндæ адтæй уæ зæрдæбæл ун æрлæуун кæнун нæ историй уæззау рæстæгутæй еуей туххæй имисуйнæгтæ. 1989 – аг анзи 15 феврали уæнгæ Советон æфсæдтæ Афганистанмæ æрветгæй , беретæ лæдæргæ дæр нæ кодтонцæ сæ идарддæри хъисмæт. Батоти Ольгæ дзæбæх гъуди кæнуй, уоци рæстæг.

Турмони фæдзæхст бунати сæвæрдзæнæнцæ 30 хузесæни. Куститæ цæудзæнæнцæ сæрмагонд проектмæ гæсгæ. Йæ фарс радзурдта æрдзæ гъæуайкæнуни Президентон фонд.

Сайраг темитæ: Аци анзи райдайæнæй Цæгат Иристони фæурухдæр æнцæ сæрмагонд æфсæддон операций архайгутæн æнхуси мадзæлттæ. Бæлвурддæр ба, Уæрæсей Социалон фонди реабилитаций центрти йæхе ка дзæбæх кæнуй, уонæн. Цæгат Иристони арæзт цæуй, рабарæн кæмæн нæййес, уæхæн социалон объект – нуриккон хæдзарæ-интернат рацæргæ æма инвалид адæмæн. Уодзæнæй си 200 бунати. Аци анз 17 адæймаги райдайдзæнæнцæ Цæгат Иристони […]