филиал вгтрк государственная телерадиовещательная компания “Алания”

189 сывæллоны æмæ 11 хистæры Белгороды облæстæй ссыдысты Цæгат Ирыстонмæ. Делегаци æрбынат кодта сывæллæтты реабилитацион центр «Тæмисчъы». Республикæйы сæргълæууæджы хæслæвæрдмæ гæсгæ уазджытыл сæмбæлдысты æмæ сæ баххæст кодтой, цыдæриддæр хъæуы, уымæй. Æнхъæлмæ сæм кæсы стыр программæ: рухстауæн æмæ ирхæфсæн мадзæлттæ, экскурситæ æмæ æндæр цымыдисаг хабæрттæ. Хæстæй иу у, сывæллæттæн самал кæнын æххæст ахуырадон процесс дæр. Рæзгæ фæлтæр цæудзæн скъоламæ. Белгороды облæсты ма уавæр у уæззау, Украинæйы гæрзифтонг тыхты рдыгæй æдзух æхстытæ кæй цæуы, уый аххосæй.