Волонтертæ æххуыс кæнынц историон-культурон бынты объекттæ сног кæнынæн æмæ архайынц экологон акциты
45 бархионы Уæрæсейы алы регионтæй абалц кодтой, проект «Хæлардзинады маяктæ. Кавказы мæсгуыты» юбилейон экспедицимæ. Волонтертæ æххуыс кæнынц историон-культурон бынты объекттæ сног кæнынæн æмæ архайынц экологон акциты. Бæлвырддæр радзурдзæн Хъайтмазты Дзерассæ.
Ацы фæсивæдæн хæлардзинад райдыдта иумæйаг хъуыддагæй æмæ йæ хæссынц æппæт бæстæйыл. Екатерина Шварц проекты фыццаг хатт нæ архайы. Йæ дæсныйадмæ гæсгæ у медик æмæ командæйы хыгъды дзуапп дæтты, цæмæй фæндагыл æмæ куысты рæстæг кæддæриддæр уа, æххуысмæ æрбацæуын цæттæ чи у, ахæм адæймаг. «Хæлардзинады маякты» тыххæй фыццаг базыдта йе мбалæй æмæ йæ бафæндыд командæйы хай суæвын.
Владислав Варзетовæн ацы бинонтæ йæ царды хай систы нырма 2018-æм азы. Уæдæй фæстæмæ фæархайы проекты. Куыд зæгъы, афтæмæй æппæтæй фылдæр уарзы балцы цæуын æмæ алы адæмты культурæтимæ зонгæ кæнын, стæй йæ уарзон республикæ æргом кæнын, Кавказы фыццаг хатт чи ис, уыдонæн.
Активисттæ скъоладзаутимæ æмæ фæсивæдимæ ныхас кæнынц, дзурынц сын алы адæмты историйы æмæ традициты тыххæй.
Бархиондзинад ам баиу рухстауынадимæ æмæ медиаимæ. Фæсивæд архайынц экологон æмæ патриотон акциты, æххуыс кæнынц историон-культурон намысы объекттæ ног кæнын æмæ æрвылбон дзурынц сæ балцы тыххæй. Ацы юбилейон азы экспедицийы ис 45 бархионы Уæрæсейы алы регионтæй.
Командæйы фæндаг ныридæгæн райдыдта. Мæхъæлы республикæйæ командæ æрбацыд Цæгат Ирыстонмæ æмæ дарддæр абалц кæндзæн Кæсæг-Балхъармæ. Афтæмæй фидардæр кæны регионты хсæн бастдзинад.
