Юбилейы кадæн æвдыст цæуы Хъуысаты Тимуры документалон киноныв «Александр Дзасохов. Меридианы длиною в жизнь»-ы премьерæ
Абон 90 азы сæххæст зындгонд политик æмæ дипломат, Цæгат Ирыстоны раздæры президент Дзасохты Алыксандрыл. Советон Цæдисы æххæстбарджын минæвар Сирийы, Цæгат Ироыстоны коммунистон партийы обкомы фыццаг секретарь, Советон Цæдисы Сæйраг Советы депутат, Паддзахадон думæйы депутат йæхи сызгъæрин дамгъæтæй ныффыста Ирыстоны æмæ нырыккон Уæрæсейы историйы. Дзасохты Алыксандр йæхи курдиатджын политиккæй равдыста куыд Уæрæсейы, афтæ дунеон æмвæзадыл. Аргъ ын кæнынц æмæ йæ нымайынц алы бæстæты разамонджытæ æмæ дипломаттæ. Абон Дзасохты Алыксандыры юбилейы кадæн æвдыст цæуы Хъуысаты Тимуры документалон киноныв «Александр Дзасохов. Меридианы длиною в жизнь»-ы премьерæ. Ирдæй дзы æвдыст цæуыц ахсджиаг историон цаутæ, дунейы политикон картæйы ивддзинæдтæ, стæй Уæрæсе æмæ Кавказы историйы сыфтæ. Киноныв фенæн ис ныртæккæ паддзахадон телерадиокомпани «Аланийы» сайты, изæры та канал «Россия 24»-йы эфиры, 21 сахатыл.
