Баст у, Фыдыбæстæйы стыр хæсты Сталинграды бын советон салдæттæ немыцаг фашистты куы ныппырх кодтой, уыцы цауимæ
Абон Уæрæсейы бæрæг кæнынц æфсæддон Намысы бон. Баст у, Фыдыбæстæйы стыр хæсты Сталинграды бын советон салдæттæ немыцаг фашистты куы ныппырх кодтой, уыцы цауимæ. 200 бонæй фылдæр Сталинград хъахъхъæдтой 750 мин советон салдаты. Мингæйттæй баззадысты хæсты быдыры. Цæгат Ирыстонæй Сталинграды хæсты архайдта фондз мин адæймагæй фылдæр. Уыдонимæ Плиты Иссæ, Карсанаты Хъазыбег, Тогызты Хъауырбег æмæ иннæтæ. Абон дæр сæ нæмттæ рох не сты. Намысы боны кадæн абон республикæйы адæмы хæлардзинады хæдзары ацæудзæн лæгдзинады урок. Скъоладзаутæ æмæ студентæн радзурдзысты Павловы хæдзары, стæй Сыхр Æфсад хъæбатырæй Сталинград куыд хъахъхъæдта, уый тыххæй.
