Милуангай уæрæсейæгтæ цы фиддонтæ исынц, уыдон Социалон фонд индексаци скæндзæн 7,4% бæрц
Абонæй фæстæмæ сæ тыхы бацæудзысты цавæрдæр закъонтæм ивддзинæдтæ. Милуангай уæрæсейæгтæ цы фиддонтæ исынц, уыдон Социалон фонд индексаци скæндзæн 7,4% бæрц. Уый хауы, йе *нæниздзинад хъыгдард кæмæн у, уыцы адæммæ, хæстон цауты ветерантæм, Фыдыбæстæйы Стыр хæсты архайджытæм, льготæтæ чи исы, уыдонмæ. Сæ пенсимæ ма уæлæмхасæн райсдзысты æрвылмæйон фиддон. Февралы ма индексацигонд æрцæудзæн мадæлон капитал дæр. Фылдæр фæзындзæн, йæ фæрæзтæй иу хатт дæр чи нæма спайда кодта, уыцы ныййарджытыл. Ахæм бинонты фиддоны бæрц фæфылдæр уыдзæн цыппор æртæ æмæ *рдæг мин сомы бæрц æмæ суыдзæн æхсæзсæдæ æртын мин сомæй фылдæр. Сертификатыл ма æнæххæст фæрæзты бæрц кæмæн баззад, уыцы ныййарджытæн та февралы индексацигонд æрцæудзæн фæрæзты уыцы хай. Социалон фонд фæфылдæр кæндзæн, афæдз æмæ *рдæджы онг йæ сывæллонмæ чи кæсы, æмæ уыимæ чи нæ кусы, уыцы ныййарджытæн æрвылмæйон фиддон, иурæстæгон фиддон сывæллон кæмæн райгуыры кæнæ хъомыл кæнынмæ чи райсы, уыдонæн, стæй иурæстæгон фиддон æнхъæлцау сылгоймæгтæн.
