Регионалон конференцийы æхсæнадон кусджытæ сног кодтой штабы хыгъд
Адæмон фронт хатдзæгтæ скодта фæстаг дыууæ азы куыстæн. Регионалон конференцийы æхсæнадон кусджытæ сног кодтой штабы хыгъд. Мадзалы архайдтой Адæмон фронты æххæстгæнæн комитеты разамонæджы хæдивæг Борис Подольный, стæй Хуссар æмæ Цæгат Кавказы федералон зылдты регионтимæ куысты Департаменты разамонæджы хæдивæг Марат Савицкий. Гуманитарон æххуысы 720 тоннæйæ фылдæр æмæ сæрмагонд æфсæддон операцийы зонæмæ 40 балцæй фылдæр бантыст, проект «Адæмон фронт. Алцыдæр Уæлахизæн!» æххæст кæнгæйæ. Уымæй дарддæр бакуыстой республикæйы цæрджыты 146 курдиатыл. Æхсæнадон кусджыты рдыгæй æппынæдзух цæстдард цæуы фельдшерон-акушерон пунктты, культурæйы хæдзæртты, скъолаты æмæ рæвдауæндæтты арæзтадмæ. Бæстон кæсынц медицинон æххуысы æмæ ахуыргæнæдæтты хæринаджы хæрзхъæддзинады уавæрмæ. Адæмон фронты регионалон хайады архайды ма активон сты фæсивæдон хайады минæвæрттæ дæр. Проекта «Безопасное детство» æххæст кæнгæйæ, Дзæуджыхъæуы æмæ республикæйы районты сбæрæг кодтой сывæллæтты 30 фæзæй фылдæр. Уыдонæй ныридæгæн сцалцæг кодтой 10.
