Шофыртæ хъаст кæнынц, асфальтыл дзыхъхъытæ кæй ис, уымæй
Адæмон фронты æмæ прокуратурæйы минвæрттæ æркастысты Æрыдоны æмæ Алагиры районты фæндæгты уавæрмæ. Шофыртæ хъаст кæнынц, асфальтыл дзыхъхъытæ кæй ис, уымæй. Æхсæнадон кусджытæ рейд скодтой проект «Фæндаг скъоламæ» æххæст кæнгæйæ.
Цæмæй Ханаты Таймураз фæндагыл ма баззайа, уый тыххæй нæлгоймаджы бахъуыд эвакуатормæ бадзурын. Фæндаджы дзыхъхъытæ йын æрхастой знаггад. Цæмæй сæ аиуварс кæна, уый тыххæй йæ бахъуыд 340 мин сомæй фылдæр. Уæвгæ, Алагиры фæндæгтæ зындзинад цы адæмæн æрхæссынц, уыдон бирæ сты.
Алагиры ис цалдæр лыггæнинаг фарстайы. Дзыхъхъытæ асфальт уый иу, фæлæ ахуырадон бæстыхæйтты цур фæндаггон амонæнтæ кæй нæй, уый та æндæр фарста. Уæдæ адæмон фронты æмæ прокуратурæйы минæвæрттæ ахæм закъонхæлдтытæ рабæрæг кодтой Æрыдоны дæр. Районты нæ кусынц, скъолаты æмæ рæвдауæндæтты цур цы светофортæ ис, уыдон дæр.
Фæндæгты уавæрмæ ахæм æркаст арæх саразынц. Рейд скодтой проект «Фæндаг скъоламæ»-йы фæлгæты. Адæмон фронты минæвæрттæ куыд зæгъынц, афтæмæй сывæллæтты æдасдзинад кæддæриддæр у сæ сæйраг хæстæй иу.
Цы закъонхæлдтытæ раиртæстой, уыдон адæмон фронты æмæ прокуратурæйы минæвæрттæ арвистдзысты районты администрацитæм. Ахуыры ног азмæ фарстатæ лыггонд æрцæудзысты.
