Æрæфы районы сты Уæрæсейы 2 æппæтæй бæрзонддæр хæххон æвзарæн пункты: иу – Стыр Дыгуры, иннæ та – Гæлиаты
Æнæнхъæлæджы уавæрты министрады кусджытæ сбæлвырд кодтой, хæххон хъæуты æвзарæн хайæдты зынгсирвæзтыты æдасдзинады домæнтæ куыд æххæстгонд сты, уый. Æрæфы районы сты Уæрæсейы 2 æппæтæй бæрзонддæр хæххон æвзарæн пункты: иу – Стыр Дыгуры, иннæ та – Гæлиаты. Уыцы хъæуты цæры 150 адæймагæй чысыл фылдæр. 10-æм сентябры республикæйы зынгхуыссынгæнæн хайæдты минæвæрттæ кусдзысты сæрмагонд фæткмæ гæсгæ. Иуæй-иу æвзарæн хайæдтæ сты, æнæхгæд зонæ кæй хонынц, ахæм хъæуты, ома, сæм хæстæг донуæттæ нæй. Ахæм уавæры зынгхуыссынгæнджытæн стыр æххуыс сты бархион зынгхуыссынгæнæн командæтæ. Зæгъдзыстæм ма уый дæр, æмæ æдæппæтæй Цæгат Ирыстоны хъæлæс кæныны бон кусдзæн 37 æвзарæн пункты районты, иу уæлæмхасæн та ма – Дзæуджыхъæуы Донецкы æмæ Луганскы адæмон республикæты цæрджытæн.
