филиал вгтрк государственная телерадиовещательная компания “Алания”

Æнæнхъæлæджы уавæрты министрады кусджытæ сбæрæг кодтой республикæйы егъау базарадон центртæй иу. Бæстон кастысты, зынгсирвæзтыты ныхмæ æдасдзинады мадзæлттæ куыд æххæстгонд цæуынц, уымæ. Æркастысты бæстыхаймæ, инспекци скодтой зынгсирвæзтыты ныхмæ сигнализацийæн æмæ эвакуацийы пъланæн. Дуæрттæ ифтонг сты сæрмагонд системæйæ, цæмæй эвакуацийы рæстæг адæм ма æмбырд кæной, æмæ кæрæдзи ма хъыгдарой. Уыимæ бахъуаджы рæстæг дуар байгом кæнæн уыдзæн æнæ дæгъæлæй. Æнæнхъæлæджы уавæрты министрады кусджыты ныхæстæм гæсгæ, ахæм объекттæ сбæрæг кæнынц рæстæгæй – рæстæгмæ, бæлвырд фæткмæ гæсгæ.