Регионалон конференцийы рæстæг æхсæнадон кусджытæ æрныхас кодтой, Уæрæсейы президенты майы указтæ нæ республикæйы куыд æххæстгонд, ууыл
Æппæтуæрæсеон адæмон фронты цæгатирыстойнаг регионалон хайады активисттæ хатдзæгтæ скодтой фæстаг дыууæ азы куыстæн.Регионалон конференцийы рæстæг æхсæнадон кусджытæ æрныхас кодтой, Уæрæсейы президенты майы указтæ нæ республикæйы куыд æххæстгонд, ууыл. Стыр æргом аздæхтой фелшырон-акушерон пункттæм, афтектæ дзы куыд кусынц, уымæ. Стæй ма Дзæуджыхъæуы алыварс цъæх фæлысты куыст бакæнынмæ дæр. Адæмон фронты эксперттæ дзырдтой иннæ ахсджиаг фарстайыл дæр – ома районты хсæн цæрæгойтæн приюттæ саразыныл. Уымæй дарддæр скæнын хъæуы æфсæддон-патриотон темæимæ баст сæрмагонд кълæстæ. Адæмон хъæппæристы хыгъдмæ хаст æрцыд – республикæйы цæрджытæн консультацион æххуыс кæнын. Уый хауы, финансон лæггæдты организацитæй æфхæрд чи баййæфта, уыдонмæ. Æрдзырдтой ма, сывæллæттæ кæм бахауынц, ахæм фæндаггон фыдбылызты профилактикæйыл. Активисттæ бахастой фæндон, скъолаты æдасдзинады ахуыртæ аразыны тыххæй. Кæронбæттæны равзæрстой регионалон штабы ног уæнгты. Сног кодтой æмсæрдарты хыгъд дæр.
