Фенд хъуыддæгтæй баззадысты разыйæ.
Мæйы размæ нæ равдыстытæй иуы дзырдтам, Æрæфы рæйоны, Хæзныдоны скъола бындурон цалцæгмæ æхгæд кæй æрцæудзæн, уый тыххæй. Рæстæг рацыд, æмæ не сфæлдыстадон къорды бафæндыд куыстыты цыд фенын, æмæ базонын, ныхæстæ хъуыддæгтыл куыд æххæстгонд цæуынц, уый.
Хæзныдоны Тубеты Сланбеджы номыл скъолайы цалцæгыл цы арæзтадон куыстуат архайы, уый разамонæг Анушаван Оганесян, куыд зæгъы, афтæмæй, сæ сæйраг нысан у хæрзхъæд цалцæг скæнын. Ныры онг уал æппæт скъолайы ивд æрцыдысты электрон тыхдæдтæг хызтæ, æвæрд æрцыд зынгсирвæзты ныхмæ сæрмагонд системæ. Скъолайы кълæсты фылдæр хайы къулты сæрст æрцыдысты. Æрæфы районы администрацийы сæргълæууæг, арæзтад æмæ ахитектурæйы управленийы разамонæг Хъозиты Арсенимæ арæх æрзилынц районы арæзтадон объекттыл. Бабæрæг кодтой Хæзныдоны скъола дæр. Фенд хъуыддæгтæй баззадысты разыйæ.
Хæзныдоны скъолайы цалцæг ацы арæзтадон подрядон организацийæн йæ фыццаг объект нæу. Цæгат Ирыстоны, Æрæфы районы сцалцæг кодтой бирæ скъолатæ æмæ социалон ахадындзинад кæмæн ис, æхæм объекттæ.
Куыстыты цыдмæ бæстондæр цæстдард ис хъæуы цæрджыты рдыгæй. Фæнды сæ, цæмæй алцыдæр конд æрцæуа æмгъуыдмæ, стæй хæрзхъæд æрмæджытæй.
Алкæйы дæр фæнды, царды домæнтимæ æмдзу кæнгæйæ, фидæнмæ цæуын. Хæзныдоны скъолайы ахуырдзаутæ дæр æнхъæлмæ кæсынц сæ ног гæнæнтæ æмæ райдзаст бæстыхаймæ. Ног ахуыры азы кæй бацæудзысты сæ цалцæггонд ахуыргæнæндонмæ, ууыл та дыууæ нæ зæгъынц, капиталон цалцæгыл дзуапп чи дæдты, уыдон.
