филиал вгтрк государственная телерадиовещательная компания “Алания”

Æрыдоны арæзт æрцыд скъоладзауты раздзогты тренингты фыццаг къæпхæн. Астæуккаг кълæсты 50 ахуыргæнинагæй фылдæр ацыдысты психологон цæттæдзинады курсытæ. Афтæмæй сахуыр сты кæрæдзиимæ, æмæ сæ кæстæртимæ раст ныхас кæныныл. Цæгат Ирыстоны паддзахадон педагогон институты студенттæ-психологтæ радзырдтой сæ профессионалон сусæгдзинæдты тыххæй, стæй ма равдыстой цалдæр хъазты дæр. Сты, зондахастыл хуыздæрырдæм чи ахады, ахæмтæ. Сывæллæттимæ сæ хъазæн ис переменæты рæстæг, цæмæй урокты хсæн сæ фæллад уадзой, уый тыххæй. Курсыты радон къæпхæн скæндзысты фæлтæрдджын педагогтæ. Уыдон скъолаты раздзогтæн радзурдзысты, кæстæртимæ кусыны методикæты тыххæй.