Йæ руаджы адæмæн фадат уыдзæн, 15-æй – 17-æм мартъимæ хæстæгдæр цы æвзарæн участочы цур уой, уым схъæлæс кæнынæн
Уæрæсейы Президенты æвзæрстыты архайæн уыдзæн æрмæст хъæлæсгæнæджы регистрацийы бынатмæ гæсгæ нæ, фæлæ ма «Мобилон æвзарæг»-æй пайда кæнгæйæ дæр. Йæ руаджы адæмæн фадат уыдзæн, 15-æй – 17-æм мартъимæ хæстæгдæр цы æвзарæн участочы цур уой, уым схъæлæс кæнынæн. «Мобилон æвзарæджы» тыххæй бæлвырддæр радзурдзæн Тъехты Элинæ.
Гуытъиаты Мæдинæйæн йæ граждайнаг хæс йæ бон сæххæст кæнын у æнцонæй. Зæгъæм, курдиат бадæттын, цæмæй йæ бахæссой, æвзарджытæ сæ бынатмæ гæсгæ кæм хъæлæс кæнынц, уыцы хыгъдмæ. Уыцы технологийы руаджы адæймагæн йæ бон хъæлæс кæнын у алы ран дæр, регистрацигонд цы ран у, уый нæ хынцгæйæ.
Цæмæй адæймаджы бынатмæ гæсгæ хъæлæсгæнджыты хыгъдмæ бахæссой, уый тыххæй йæ хъæуы курдиат бадæттын паддзахадон лæггæдты, бирæвæрсыг центры, кæнæ та территориалон æвзарæн къамисы уылты. Æдæппæтæй къамисты гом сты, курдиат бадæттæн кæдæм ис, ахæм 20 бынаты. Республикæйы ахæм бынæттæ уыдзысты 331. Курдиат бадæттæн уыдзæн 11-æм мартъийы онг.
Системæ кусы 2018-æм азæй фæстæмæ. Уæд æй фыццаг хатт бафæлвæрдтой президенты æвзæрстыты. Раздæры æвзарæн кампаниты æвдисæнтæм гæсгæ, «Мобилон æвзарæг»-æй пайда кæнынц хъæлæсгæнджыты 4 проценты.
