Финалмæ рацæуыныл ерыс кодтой республикæйы æппæт паддзахадон ахургæнæндæдты скъоладзаутæ
Сбæрæг сты хуыздæртæ. Ахуырадон центр «Вершинæ»-йы хатдзæгтæ скодтой Республикæйы сæргълæууæджы Кубок рамбулыны æртæ нæукæйы турнирæн. Финалмæ рацæуыныл ерыс кодтой республикæйы æппæт паддзахадон ахургæнæндæдты скъоладзаутæ. Уæлахиздзау сси физикон–математикон лицей–интернаты командæ. Бæстондæр хабæрттæ Сосранты Жаннæйы сюжеты.
Æвæццгæн бæллиццаг хъуыддаг царды йæ бынат куы ссары, уæд ма уымæй æхсзыгондæр цы вæййы. Ацы мадзалы нысан ахсджиаг у сабиты зондахасты рæзтæн. Зонæдтæм тырнындзинадæн абон арæзт цæуы дзæвгар уавæртæ æмæ гæнæнтæ. Цæгат Ирыстоны ахуырад æмæ наукæйы министр Алыбекты Эллæ куыд фæбæрæг кодта, афтæмæй Республикæйы сæргълæууæджы хæслæвæрд абон ныхæстæй адарддæр хъуыддæгтæм. Дæнцæгæн æрхæссæн ис æртæ наукæйы турнир. Ам дыууæ къуырийы 8, 9, 10-æм кълæсты ахуырдзаутæн уыд фадат сæ зонындзинæдтæ равдисынæн, сæхи бафæлварынæн. Ацы мадзалыл, стæй скъолаты сæрмагонд кълæстæ кæй гомгонд цæуы, ууыл цин кæнынц уæлдæр ахуыргæнæндæдты сæргълæуджытæ. Хæххон металлургон институты ректор загъта физикæ, математикæ æмæ информатикæ чи радта, уыдонæн ма сыл ам 5 баллы кæй бафтаудзысты.
Бæлвырд наукæтæ арфдæр раиртасын математикæ, информатикæ æмæ физикæйæ – уый уыд ерысты цы 500 скъоладзауы архайдта, уыдоны нысан. Фембæлды рæстæг ма хатдзæгтæ скодтой Ирыстоны цы наукон-иртасæн æмæ проектон куыстыты конференци ацыд скъоладзауты хсæн «Курчатовская конференция» уый уæлахиздзауты ты дæр схорзæхджын кодта Сергей Меняйло. Фарон Цæгат Ирыстоны сæргълæууæг æмæ Курчатовы институты Президенты бадзырдмæ гæсгæ республикæйы цыппар скъолайы байгом кодтой Курчатовы кълæстæ. Ныртæккæ дзы ахуыр кæны 96 скъоладзауы. Æдæппæтæй конференцимæ балæвæрдтой 15 проекты. Бацæттæ сæ кодтой 7-æм кълæсты ахуырдзаутæ. Хуыздæрты хсæн уыдысты Хæзныдоны скъолайы хъомылгæнинæгтæ. Сæ иртæстыты темæтæ уыдысты алыхуызон.
Конференцийы архайджыты зæрдæмæ тынг фæцыд Хæзныдоны скъолайы минæвæрттæ Уæдаты Зауырбег æмæ Хидирты Вероникæйы проект «Золото Хазнидона». Уыдон кæд афæдз дæр нæма архайынц Курчатовы къласы, уæддæр равдыстой сæ цымыдисдзинад.
Фæбæрæг кæнын ма хъæуы уый дæр, æмæ æппæт уæлахиздзаутæн дæр Ирыстоны уæлдæр ахуыргæнæндæдты разамонджытæ кæй бацæттæ кодтой сæрмагонд лæвæрттæ æмæ дипломтæ.
