Иннæ аз нæ регионæн уыдзæн æртыккаг ахуырадон кластер «Туризм æмæ лæггæдты къабаз» байгом кæныны фадат
Ахуырады æмæ наукæйы министрады бафыстой æмгуыстады тыххæй бардзырд федералон проект «Профессионалитет»-ы ног кластермæ гæсгæ. Документы сæ къухтæ бафыстой министр Алыбекты Эллæ, колледжты директортæ, куыстуæтты разамонджытæ. Иннæ аз нæ регионæн уыдзæн, проект «Профессионалитет»-ы æртыккаг ахуырадон кластер «Туризм æмæ лæггæдты къабаз» байгом кæныны фадат. Республикæйы грант райсдзæн хæххон-металлургон техникум. Ахуыргæнæндон бацыд, иннæ аз федералон бюджетæй субсидитæ кæмæн радих кæндзысты, Уæрæсейы уыцы 15 ахуыргæнæндоны хыгъдмæ. Паддзахадон æххуысы бæрц уыдзæн 70 милуан сомы. Грант схардз кæндзысты туризмы æмæ лæггæдты къабазы кусджыты цæттæ кæныны комплекс саразынæн æмæ йæ рæзын кæнынæн.
