филиал вгтрк государственная телерадиовещательная компания “Алания”

«Нæ хæлардзинад бонæй-бонмæ кæндзæн фидардæр, нæ Цæдис та — æнгомдæр».  Ахæм сæргондимæ аивкæсджыты конкурс ацыд республикæйы адæмты хæлардзинады хæдзары. Архайдтой дзы 23 скъоладзауы, национ-культурон æхсæнадты минæвæрттæ. Фæсивæд бакастысты классикон литературæйы уацмыстæ. Сывæллæтты курдиатæн аргъ кодтой æртæ кармæ гæсгæ — 6 азæй 16 азы онг. Уæлахиздзаутæ хорзæхгонд æрцыдысты грамотæтæ æмæ призтæй. Уымæй уæлдай, бузныджы фыстæджытæ райстой конкурс бацæттæ кæнынæн чи æххуыс кодта, уыцы уæлæмхасæн ахуырады педагогтæ.