филиал вгтрк государственная телерадиовещательная компания “Алания”

Евгений Вахтанговы номыл Академион Уырыссаг театры уыд музыкалон изæр. Сæ курдиатæй йæ саив кодта Сыгъдæг Троицкаг-Сергиевы лаврæйы хор. Акодтой дины зарджытæ. Сергиев Посады аргъуанты кусджытæ нæ республикæмæ ссыдысты сæрмагондæй архимандрит Матфей Мормылы 85 азы юбилей сбæрæг кæныны тыххæй. Йæ номимæ баст у уырыссаг дины зарæджы историйы æнæхъæн дуг. Ныртæккæ хор дарддæр æххæст кæны фыд Матфейы архайд. Зæгъдзыстæм ма уый дæр, æмæ уазджытæ ссыдысты Дзæуджыхъæуккаг æмæ Алайнаг алчыр Герасимы хуындмæ гæсгæ. Сæ балц фæци стыр концертæй. Акодтой хоры репертуарæй композицитæ. Дины зарджытæм байхъусынмæ æрбацыдысты аргъуанты кусджытæ, сæ сæргъы Алайнаг алчыр Герасим.