Мадзал арæзт æрцыд фестиваль «Достояние нации»-мæ гæсгæ
Алагиры уыд Гæздæнты Булаты номыл национ паддзахадон оркестры, стæй районы сывæллæтты аивæдты скъолайы ахуырдзауты æмæ педагогты иумæйаг концерт. Мадзал арæзт æрцыд фестиваль «Достояние нации»-мæ гæсгæ. Æххæст æй кæны Уæрæсейы культурæйы министрад. Районы культурæйы галуаны адæмæй къух бакæнæн нæ уыд. Аивæдты скъолайы хъомылгæнинæгтæн адæмон инструментты оркестримæ æмгуыстад сси стыр фæлтæрддзинад. Репетицитæ сын систы æцæг дæсныйадæвдисæг ахуыртæ. Сæ фæрцы арфдæр банкъардтой сфæлдыстадон уацмысты стиль, темп æмæ динамикæ. Оркестры аивадон разамонæг æмæ дирижер Куымæриттаты Тенгиз куыд загъта, афтæмæй Гæздæнты Булат кæддæриддæр æххуыс кодта æвзонг курдиæттæн, æрыгон фæндырдзæгъдджыты разæнргард кодта академион арæхстдзинад рæзын кæнынмæ æмæ национ культурæ хъахъхъæнынмæ. Оркестр абон дæр ууыл архайы. Цæттæ у музыкалон скъолатимæ æмгуыстад кæнынмæ.
