Хоры зарæггæнджыты коллективтæ дзы равдыстой сæ курдиат æмæ сфæлдыстад
Архонкæйы станицæйы арæзт æрцыд хъазахъхъаг зарæджы фестиваль «Как на Тереке у нас». Хоры зарæггæнджыты коллективтæ дзы равдыстой сæ курдиат æмæ сфæлдыстад. Иу ныхасæй бацæттæ кодтой рæсугъд зарæджы бæрæгбон. Хъазахъхъаг зарæджы фестиваль нæ республикæйы арæзт цæуы ныр 19-æм хатт. Йæ архайджытæ зæрдæргъæвдæй кусынц Цæгат Ирыстоны хъазахъхъаг традицитæ парахат кæныныл. Раздæр-иу æм хуынд цыдысты æндæр регионтæй минæвæрттæ дæр. Фæлæ ныр пандемияйы аххосæй дыккаг аз фестиваль арæзт цæуы æрмæстдæр республикæйы цæрджыты хсæн. Фарон конкурсмæ зарджытæ æрвыстой онлайн хуызы. Фестиваль саразджытæ сæ зæрдæ дарынц, 20-æм юбилейон фестивалы географи та раздæрау кæй фæпарахатдæр уыдзæн, ууыл.