Йæ аразджытæ сты Евгений Вахтанговы номыл театр. культурон хъæппæристы Президентон Фонды
Ацы аз Дзæуджыхъæуы 13-æй – 19-æм июльмæ арæзт æрцæудзæн Фыццаг æппæтуæрæсеон театралон фестиваль «Вахтангов. Путь домой». Йæ аразджытæ сты Евгений Вахтанговы номыл театр. культурон хъæппæристы Президентон Фонды. Цæгат Ирыстоны Хицауады æмæ регионы Сæргълæууæг Сергей Меняйлойы æххуысæй. Æппæт фарстатыл æрныхас кодтой организацион комитеты æмбырды. Архайдтой дзы премьер Дзанайты Барис æмæ театры директор Кирилл Крок.
Хицауады сæрдар куыд бафиппайдта. афтæмæй мадзал баст уыдзæн æртæ ахсджиаг цауимæ. Цæгат Ирыстоны 100 азимæ, нæ республикæ Уæрæсеимæ куы баиу, ууыл 250 азы стæй Дзæуджыхъæуыл 240 азы кæй æххæст кæны. уыимæ. Ацы фестивалæй ма иу хатт бамбарын кæндзыстæм. Дзæуджыхъæу Цæгат Кавказы сæйраг культурон горæт кæй у, уый. Уæвгæ та фестиваль саразыны фадат фæзынд, республикæйы Сæргълæууæг Сергей Меняйло æмæ Евгений Вахтанговы номыл Паддзахадон академион театры директор Кирилл Крок æмгуыстады бадзырд кæй бафыстой, уымæ гæсгæ. Уæ зæрдыл уын æрлæууын кæндзыстæм, ивгъуыд аз апрелы Дзæуджыхъæуы байгом зындгонд режиссеры Хæдзар-музей. Уæдæй фæстæмæ культурон объект йæхимæ лвасы республикæйы цæрджыты æмæ уазджыты. Фестивальмæ хъæуы бæстон бацæттæ кæнын. цæмæй алцыдæр ацæуа бæрзонд æмвæзадыл. Кирилл Крок та радзырдта, фестивалы кæй архайдзысты Мæскуыйы, Санкт-Петербурджы, Архангельскы æмæ Донецкы театртæ. Æдæппæтæй Дзæуджыхъæуы спектакльтæ равдисдзысты 7 коллективы. Се ппæт дæр сты ахсджиаг постановкæтæ.
Вахтанговы номыл фестиваль байгом уыдзæн Сæрибары фæзы. 14-æм июлы Хетæгкаты Къостайы номыл парчы равдисдзысты спектакльтæ Александр Пушкины уацмыстæм гæсгæ. Нæ сæйраг хæс у – горæтæн бæрæгбон балæвар кæнын. – загъта Кирилл Крок. Уымæй дарддæр ма раздæр ныхасгонд æрцыд – Тæбæхсæуты Балойы номыл Цæгат Ирыстоны паддзахадон академион театр æмæ Евгений Вахтанговы номыл Академион Уырыссаг театр бацæттæ кæндзысты премьерон спектакльтæ. Фестиваль та фæуыдзæн Сæрибары фæзы стыр концертæй. Архайдзысты дзы мæскуыйаг театры æмæ нæ республикæйы артисттæ, стæй уæрæсейаг эстрадæйы минæвæрттæ.
