Фехъусын кодта ахуырады æмæ наукæйы министр Алыбекты Эллæ
Ацы аз Цæгат Ирыстоны сæрдыгон дзæбæхгæнæн кампанийы архайдзæн 24 мин сывæллонæй фылдæр. Уый у республикæйы скъоладзауты æртыккаг хай. Фехъусын кодта ахуырады æмæ наукæйы министр Алыбекты Эллæ. Нысангонд æрцыд 300 профилон фæлтæрæй фылдæр. Уый у мобилон технопарк «Кванториум»-ы куыст, этнокультурон рад «Иры фидæн», проект «Каникулы со знанием»-ы рухстауæн мадзæлттæ, уыдзæн тематикон фæлтæртæ дæр. Хицæн æргом здæхт цæуы сæрмагонд æфсæддон операцийы архайджыты, царды зын уавæры чи бахауд, æмæ йе нæниздзинад хъыгдард кæмæн у, ахæм сывæллæттæм. Цæгат Ирыстонмæ ма æрбацæудзæн 100 сывæллоны бæстæйы иннæ регионтæй, сæ хыгъды Донецкы адæмон республикæйæ дæр. Фæлладуадзæн организациты реестрмæ хаст æрцыд 184 кусæнуаты. Скъолаты раз æппæт лагерьтæм дæр ис æдасдзинады паспорттæ, дзуапп дæттынц хъæугæ домæнтæн. Кусджытæн сараздзысты инструктаж, уыдзæн профилактикон фембæлдтытæ æнæнхъæлæджы уавæрты министрады специалисттимæ.
