Экспозици байгом Тугъанты Махарбеджы номыл музейы
1914-æм азы æмбырдгондтæ. Дæс авторæй фылдæры баиу кодта равдыст «Нывгæнæг æмæ йæ чиныг». Экспозици байгом Тугъанты Махарбеджы номыл музейы. Мадзал аразджыты ныхæстæм гæсгæ, бирæ куыстытæ равзæрдысты, поэзи, графикæ, театр æмæ авторы истори иу уацмысы баиу кæныны тырнындзинадæй. Экспозици фенæн ис 25-æм июльмæ. Бæлвырддæр радзурдзæн Хъайтмазты Дзерассæ.
Ацы равдысты чиныг æрмæст текстхæссæг нæу. Тугъанты Махарбеджы номыл аивадон музейы байгом экспозици «Нывгæнæг æмæ йæ чиныг». Алы рауагъд дæр дзы сси хицæн аивадон раныхас. Проекты бындуры – 20-æм æнусы дыккæгæм хайы æмæ ныры дуджы куыстытæ 2 сæрмагонд коллекцийæ. Экспозици аивадуарзæгæн дæтты, фенын чиныг, куыд аивады формæ – иухуызон ахсджиаг дзы сты дзырд, фæлгонц, æмæ сыфы структурæ дæр.
Машинæфыссæн сыфтæй, авторон альбомтæй, концептуалон рауагъдтæй рауад аивадон чиныджы истори. Равдысты архайджыты хсæн – Илья Кабаков, Виктор Пивоваров, Лев Рубинштейн æмæ æндæр зындгонд автортæ. Сæ куыстытæ æвдисынц, чиныгæй куыд рауайы эксперименты, философон хъуыдыты æмæ рæстæгимæ ныхасы тыгъдад. Ам литературæ æмбæлы цæстуынгæ аивадимæ, текст та рахизы кæсыны арæнтæй.
Экспозицийы сæрмагонд бынат бацахста, 60-æм-70-æм азты æнæофициалон аивады æмæ культурæйы темæ. æнæхъæн фæлтæры нывгæнджытæн æмæ интеллектуалтæн чиныг сси сфæлдыстадон сæрибардзинад бахъахъхъæныны, цензурæйы иувæрсты ацæуыны æмæ ног аивадон æвзаг ссарыны гæнæн. Мадзал аразджыты ныхæстæм гæсгæ, бирæ куыстытæ равзæрдысты, поэзи, графикæ, театр, перфоманс æмæ авторы истори иу уацмысы баиу кæныны тырнындзинадæй.
Проект баиу кодта, алы дугты, аивадон къабæзты æмæ авторон дунеты уацмыстæ. Равдыст ахæсдзæн 25-æм июльмæ.
