28 марта 2024, 13:53
Дзæуджыхъæу архайы æппæтуæрæсеон донорты акци «Лæвар кæнæм цард»-ы
Се вæрæн æм бахастой, 18 азæй уæлæмæ кæуыл цæуы, ахæм æнæниз адæм
Дзæуджыхъæу архайы æппæтуæрæсеон донорты акци «Лæвар кæнæм цард»-ы. Се вæрæн æм бахастой, 18 азæй уæлæмæ кæуыл цæуы, ахæм æнæниз адæм. Туг чи дæтты, уый æнæмæнг фыццаг хъуамæ ацæуа медицинон æркаст. Процедурæйы размæ донорæн сбарынц йæ уæз, йæ туджы æлхъывдад, стæй йын скæнынц экспресс-анализтæ. Ацы хъуыддæгтыл рæстæмбисæй схардз вæййы 10-15 минуты бæрц. Адæймагæй туг сисынц 450 миллилитры. Акци цæуы Уæрæсейы æппæт регионты. Дзæуджыхъæуы акци аразджытæ сты хæрзаудæн фонд «Быть добру» æмæ туг дæттыны республикон станцæ.