17 января 2023, 11:38
Дзæуджыхъæу кадджын уавæры хорзæхджын æрцыдысты конкурс-равдыст «Афæдзы вернисаж»-ы уæлахиздзаутæн
Экспозицийы архайджытæ систы 70 нывгæнæджы
Дзæуджыхъæу кадджын уавæры хорзæхджын æрцыдысты æрвылазон конкурс-равдыст «Афæдзы вернисаж»-ы уæлахиздзаутæн. Экспозицийы архайджытæ систы 70 нывгæнæджы. Аивадуарзджыты размæ рахастой æппæт жанрты, стильты æмæ техникæты 200 куыстæй фылдæр. Уыдонæй жюрийы уæнгтæ равзæрстой 5 хуыздæры. Нывкæнынады номинацийы – Пухаты Вадимы æмæ Ульяны Гончаровой куыстытæ. «Скульптурæйы категирийы хуыздæрыл нымад æрцыди Зæнджиаты Таймуразы куыст. Номинаци «Графикæ»-йы премийы аккаг сси Цæллагкаты Виктор Нарты кадджытæм цы нывты сериййыл бакуыста, уый тыххæй. Кцойты Виталийы куыст «Ивгъуыд» та хуыздæрыл нымад æрцыди æрмдæсныйады аивады. Се ппæт уæлахиздзаутæн дæр радтой дипломтæ æмæ призтæ.
