30 августа 2023, 14:00
Дзæуджыхъæуы 27-æм скъолайы ацыдысты терроризмы ныхмæ ахуыртæ
Скъолайы разамынд уый тыххæй бацæттæ кодта дыууæ сценарийы
Дзæуджыхъæуы 27-æм скъолайы ацыдысты терроризмы ныхмæ ахуыртæ. Скъолайы разамынд уый тыххæй бацæттæ кодта дыууæ сценарийы.
Фыццагмæ гæсгæ ахуырадон бæстыхаймæ æрбабырстой террористтæ, дыккагмæ гæсгæ та дзы сæвæрдтой рæмудзæн æрмæг. Скъолайы кусджытæ бадзырдтой барадхъахъхъæнæг оргæнтæм. Уыдон уайтагъд æрбацыдысты æмæ адæмы æддæмæ ракодтой. Уæрæсейы гвардийы минæвæрттæ æркастысты, рæмудзæн цы ран æвæрд ис, уымæ. Уымæй уæлдай ма ахуырты архайдтой æнæнхъæлæджы уавæрты æмæ Уæрæсейы мидхъуыддæгты министрадты минæвæрттæ. Ахæм ахуыртæ 27-æм скъолайы саразынц афæдз дыууæ хатты.