Æлборты Шалва æмæ Алыккаты-Хъæстуаты Георгий уыдысты ацы ахуыргæнæндоны рауагъдонтæ
Дзæуджыхъæуы 33-æм скъолайы мемориалон фæйнæджытæ байгом кодтой, сæрмагонд æфсæддон операцийы чи фæмард, уыцы хæстонтæн – Æлборты Шалвайæн æмæ Алыккаты-Хъæстуаты Георгийæн. Дыууæйæ дæр уыдысты ацы ахуыргæнæндоны рауагъдонтæ. Мадзал райдыдта республикæйы гимнæй. Ахуырдзаутæ бакастысты æмдзæвгæтæ, зæлыдысты авторон патриотон зарджытæ. Номарæн митингы уыдысты, чи фæмард, уыцы хæстонты бинонтæ. Стыр æвæрæн мадзал бацæттæ кæнынмæ бахаста рухстауæн-ахуырадон проект «Россия#Юг#Победа#Помним»-ы командæ. Проект ахадгæйæ кусы, нырыккон Уæрæсейы хæстон быцæуты хъæбатырты нæмттæ сæнусон кæныны фарстатыл. Ацы бон ма 33-æм скъолайы 4-æм «А» къласæн лæвæрд æрцыд, Ленинград хъахъхъæныны архайæг Гуыриаты Екатеринæйы ном.
