22 ноября 2023, 11:24
Дзæуджыхъæуы арæзт æрцыд хъæууонхæдзарадон армукъа
Сæ продукци йæм бацæттæ кодтой Цæгат Ирыстоны хъæууонхæдзарадон куыстуæттæ
Джеоргуыбайы бæрæгбоны кадæн Дзæуджыхъæуы арæзт æрцыд хъæууонхæдзарадон армукъа. Сæ продукци йæм бацæттæ кодтой Цæгат Ирыстоны хъæууонхæдзарадон куыстуæттæ. Фермертæ равæрдтой алывæрсыг æмæ хæрзад товартæ: дыргътæ, халсартæ, стуры дзидза, кæрчытæ, æйчытæ, мыд, кæсаг. Уымæй дарддæр адджинæгтæ æмæ дзулы продукци. Уыимæ продуктты аргъ базары æргътæй уыдысты ныллæгдæр. Армукъа саразыны хъæппæрис, традицимæ гæсгæ, разынд республикæйы хъæууон хæдзарады министрадмæ.