Хæххон паддзахадон аграрон университеты ахуыр кæнынц хъæууон хæдзарады нырыккон технологитæ, зонгæ кæнынц фæлтæрдджын куыстуæтты архайдимæ, сæхи цæттæ кæнынц бизнес байгом кæнынмæ
Цæгат Ирыстоны сæрмагонд æфсæддон операцийы ветерантæ æмæ сæ бинонты уæнгтæ ахуырадон проект «Фермерты скъолайы» фæлгæты исынц зонындзинæдтæ фермерон хъуыддагæй. Хæххон паддзахадон аграрон университеты ахуыр кæнынц хъæууон хæдзарады нырыккон технологитæ, зонгæ кæнынц фæлтæрдджын куыстуæтты архайдимæ, сæхи цæттæ кæнынц бизнес байгом кæнынмæ. Сæ проекттæ сын царды уадзын æххуыс сын кæны «Фыдыбæстæ хъахъхъæнджыты» фонд, æппæт фадæттæ сын арæзт цæуынц сæрмагонд падзахадон программæ гæсгæ дæр. Бæстондæр хабæрттæ радзурдзæн Чехойты Фатимæ.
Экономикон æркаст, хъомыс сбæрæг кæнын, фермерон хæдзарæдты æнтыстджын куыстæн фадæттæ аразын. Ацы хъуыддæгтæ ахуыр кæнынц, фидæны йæ цард хъæууон хæдзарадимæ бабæттын чи фæнд кæны, ахæм адæм. Се *хсæн — Гæбуты Гермæн. 2015-æм азы сси æфсæддон контрактмæ гæсгæ, 2022-æм азы февралы та араст йæ хæстон хæстæ æххæст кæнынмæ. Службæ кодта Запорожьейы *рдыгæй. 2024-æм азы фæци уæззау цæф. Ацы ахуыртæ йын сты хорз фадат хъæууон хæдзарадмæ йæ рагон цымыдисдзинадæй хи хъуыддаг рауайын кæнынæн.
Сабыр цардмæ раздæхын, ног зонындзинæдтæ райсын æмæ фидæны дæсныйад райсын. Ахæм фадат дæтты программæ. Ахуыртæ цæуынц Хæххон паддзахадон аграрон университеты. Ныридæгæн сæ республикæйы цæуынц сæрмагонд æфсæддон операцийы 15 ветераны æмæ уыдоны бинонты уæнгтæ.
Проект æххæстгонд цæуы æрмæст Цæгат Ирыстоны нæ. Фæззыгон уылæн райдыдта 5-æм октябры бæстæйы 69 регионы. Баиу кодта сæрмагонд æфсæддон операцийы 540 ветераны æмæ уыдоны бинонты. Архайджытæн фадат ис равзарын цымыдисаг къабаз: дыргъдæттæ саразын, халсартæ садзын, фосы куыст кæнын, мыды чыргъæдтæ дарын, кæнæ агротуризмæй архайын. Хицæн цæстдард цæуы нымæцон технологитæм хъæууон хæдзарады. Цы зонындзинæдтæ райсой, уыдонæй спайда кæндзысты практикон æгъдауæй, хи бизнес байгом кæнгæйæ. Уый тыххæй ис æндæр паддзахадон уæлæмхасæн æххуысы хуызтæ дæр.
Ветерантæн ног профессионалон фæндаг ссарынæн баххуыс кæнын у «Фыдыбæстæ хъахъхъæнджыты» фонды куысты ахсджиаг хай. Специалисттæ сты хъайтарты æмæ сæ бинонты уæнгты фарсмæ, иртасынц сын сæ фадæттæ æмæ сын æххуыс кæнынц цымыдисаг куыст равзарынæн.
