Ахуыргæнæндæтты специалисттæ баиу сты, цæмæй æрныхас кæной профессионалон æхсæнады актуалон темæтыл
Дзæуджыхъæуы арæзт æрцыд кълæсты разамонджыты форум «Школа – территория воспитания успешной личности». Ахуыргæнæндæтты специалисттæ баиу сты, цæмæй æрныхас кæной профессионалон æхсæнады актуалон темæтыл. Стыр æргом аздæхтой ахуырады æмæ хъомылады ног методикæтæм. Сæйрагдæр у – нырыккон къласы разамонæджы сурæт равдисын. Сæ кæрæдзийы фæлтæрддзинадимæ зонгæ кæнгæйæ, ма бакуыстой ног проекттыл дæр. Форумы программæ у хъæздыг æмæ алывæрсыг: дæсныйадæвдисæг ахуыртæ, фембæлдтытæ, дискусситæ хъомыладон куысты фæдыл. Зæгъдзыстæм ма уый дæр, æмæ форум нæ республикæйы уыд дыккаг хатт. Йæ нысан у – иумæйаг методикон фæз саразын кълæсты разамонджыты профессионалон æмархайдæн.
