Сæйраг сурæттæ сарæзтой спортивон клуб «Ос-Бæгъатыры» хъомылгæнинæгтæ
Дзæуджыхъæуы арæзт æрцыд цыбыр кинонывтæ «Совесть» æмæ «Выбор»-ы премьерæ. Кинолентæтæ сисын бантыст Цæгат Ирыстоны фæсивæды социализацийы Центры æххуысæй æмæ программæ «Выбери здоровый образ жизни» æххæст кæнгæйæ. Сюжетмæ гæсгæ сæйраг хъайтартæ сидынц рæзгæ фæлтæрмæ, æмæ сын амонынц, цæмæй сæ царды равзарой спорт æмæ кусой сæхиуыл. Цæмæй фидæны хъомыл кæной сыгъдæг уд æмæ миддунеимæ. Ног кинонывты сæйраг сурæттæ сарæзтой спортивон клуб «Ос-Бæгъатыры» хъомылгæнинæгтæ. Режиссер-æвæрæг у Бæгъиаты Зауырбег. Премьерæ арæзт æрцыд национ наукон библиотекæйы. Кинолентæты автортæ ма нысан кæнынц цалдæр куысты сисын. Се ппæт дæр баст уыдзысты социалон æгъдауæй ахсджиаг темæтимæ.
